National
ശ്രീലങ്കയിലേക്ക് കടത്താന്‍ ശ്രമിച്ച 108 കോടിയുടെ ലഹരിവസ്ഥുക്കള്‍ തമിഴ്‌നാട്ടില്‍ നിന്ന് പിടികൂടി
പ്രധാന പ്രതിയടക്കം നാല് പേരെ അറസ്റ്റ് ചെയ്തു
ചെന്നൈ | ശ്രീലങ്കയിലേക്ക് കടത്താന്‍ ശ്രമിച്ച 108 കോടി യുടെ ലഹരിവസ്ഥുക്കള്‍ തമിഴ്‌നാട്ടില്‍ വെച്ച് പിടികൂടി. 99 കിലോഗ്രാം ഹാഷിഷ് ആണ് ഇന്ത്യന്‍ കോസ്റ്റ്ഗാര്‍ഡും ചെന്നൈ സോണ്‍ റവന്യൂ ഇന്റലിജന്‍സും ചേര്‍ന്ന് പിടികൂടിയത്. പ്രധാന പ്രതിയടക്കം നാല് പേരെ അറസ്റ്റ് ചെയ്തു.
തമിഴ്‌നാട്ടിലെ മണ്ഡപം തീരം വഴി ശ്രീലങ്കയിലേക്ക് ലഹരി കടത്തുന്നതായി രഹസ്യ വിവരം ലഭിച്ചതിനെ തുടര്‍ന്ന് നടത്തിയ പരിശോധനയിലാണ് ഇവര്‍ പിടിയിലാകുന്നത്. കൂടുതല്‍ അന്വേഷണങ്ങള്‍ക്കായി പിടിച്ചെടുത്ത ബോട്ടും മറ്റ് വസ്ഥുക്കളും മണ്ഡപം കോസ്റ്റ് ഗാര്‍ഡ് സ്‌റ്റേഷനില്‍ എത്തിച്ചു.
പാമ്പാന്‍ തീരദേശത്തുള്ള ഒരാള്‍ നല്‍കിയ ലഹരി വസ്ഥുക്കളാണ് ബോട്ടില്‍ ഉണ്ടായിരുന്നതെന്ന് പ്രതികള്‍ ചോദ്യം ചെയ്യലില്‍ വ്യക്തമാക്കി. ഉള്‍ക്കടലില്‍ നിന്ന് ശ്രീലങ്കയില്‍ നിന്നുള്ളവര്‍ക്ക് കൈമാറാനായിരുന്നു പദ്ധതിയെന്നും ഇവര്‍ വ്യക്തമാക്കി. പിടിയിലായ നാല് പ്രതികളും പോലീസ് കസ്റ്റഡിയിലാണ്.
Latest
സി പി ഐ ബ്രാഞ്ച് സെക്രട്ടറിയെ പാര്‍ട്ടി പുറത്താക്കി
വടകര കാഫിര്‍ സ്‌ക്രീന്‍ ഷോട്ട്: ഈമാസം 25നകം റിപോര്‍ട്ട് സമര്‍പ്പിക്കണമെന്ന് പോലീസിനോട് കോടതി
പാരമ്പര്യമാണ് ഇസ്‌ലാമിന്റെ ആത്മാവ്: ഇന്ത്യന്‍ ഗ്രാന്‍ഡ് മുഫ്തി
മദ്യപന്‍ ഓടിച്ച കാറിടിച്ചു; രണ്ട് കാല്‍നടയാത്രക്കാര്‍ മരിച്ചു
നഴ്സിംഗ് വിദ്യാര്‍ഥിയുടെ മരണം: സഹപാഠികളെ റിമാന്‍ഡ് ചെയ്തു
പ്രശസ്ത സാഹിത്യകാരന്‍ ഓംചേരി എന്‍ എന്‍ പിള്ള അന്തരിച്ചു
