വില്ലനായി വീണ്ടും ലഹരി; കോഴിക്കോട് എരഞ്ഞിപ്പാലത്ത് മകന്‍ മാതാപിതാക്കളെ കുത്തിപ്പരുക്കേല്‍പ്പിച്ചു

കോഴിക്കോട് | കോഴിക്കോട് എരഞ്ഞിപ്പാലത്ത് ലഹരിക്കടിമയായ മകന്‍ മാതാപിതാക്കളെ കുത്തിപ്പരുക്കേല്‍പ്പിച്ചു. എരഞ്ഞിപ്പാലം സ്വദേശികളായ ഷാജി, ബിജി എന്നിവര്‍ക്കാണ് പരുക്കേറ്റത്. മകന്‍ ഷൈന്‍ ആണ് ക്രൂരകൃത്യം ചെയ്തത്. ഷൈനിനെ പോലീസ് കസ്റ്റഡിയിലെടുത്തത്.

പോലീസെത്തിയപ്പോള്‍ ഷൈന്‍ ഭീകരാന്തരീക്ഷം സൃഷ്ടിച്ചു നില്‍ക്കുകയായിരുന്നു. പോലീസും ഷൈനും തമ്മില്‍ വലിയ മല്‍പ്പിടിത്തം നടന്നു. ആകാശത്തേക്ക് രണ്ടുതവണ വെടിവെച്ച ശേഷമാണ് ഷൈനിനെ പോലീസ് കീഴടക്കിയത്.