വിമാനത്തില്‍ മദ്യപിച്ച് വനിതാ ജീവനക്കാരിയോട് അപമര്യാദയായി പെരുമാറി; യാത്രക്കാരന്‍ അറസ്റ്റില്‍

അമൃത്സര്‍| വിമാനയാത്രക്കിടെ മദ്യപിച്ച് വനിതാ ജീവനക്കാരിയോട് അപമര്യാദയായി പെരുമാറി. തുടര്‍ന്ന് യാത്രക്കാരനെ പോലീസ് അറസ്റ്റ് ചെയ്തു. ദുബൈ-അമൃത്സര്‍ ഇന്‍ഡിഗോ വിമാനത്തില്‍ ഇന്നലെയാണ് സംഭവം.

രജീന്ദര്‍ സിങ് എന്നയാളെയാണ് അറസ്റ്റ് ചെയ്തത്. ജലന്ധര്‍ സ്വദേശിയായ രജീന്ദര്‍ കുമാര്‍ വിമാനത്തില്‍ വെച്ച് അമിതമായി മദ്യപിക്കുകയും തുടര്‍ന്ന് ജീവനക്കാരിയോട് മോശമായി പെരുമാറുകയുമായിരുന്നു. തുടര്‍ന്ന് വിമാനത്താവളത്തിലെ സുരക്ഷാ ജീവനക്കാരെ അറിയിച്ചതോടെ ഇയാളെ പോലീസ് അറസ്റ്റ് ചെയ്തു.

.