ഡ്രൈ ഡേ മദ്യ വില്‍പന: 15 പേര്‍ക്കെതിരെ കേസെടുത്തു, 11 പേരെ അറസ്റ്റ് ചെയ്തു

പത്തനംതിട്ട | സര്‍ക്കാര്‍ ഉടമസ്ഥതയിലുള്ള മദ്യഷാപ്പുകള്‍ അടഞ്ഞു കിടന്ന ദിവസം സമാന്തര മദ്യ വില്‍പന നടത്തിയതിനും ചാരായം, കോട എന്നിവ കൈവശം വച്ചതിനും പത്തനംതിട്ട ജില്ലയില്‍ 11 പേരെ എക്സൈസ് അറസ്റ്റ് ചെയ്തു. 14 അബ്കാരി കേസുകളിലായി അറസ്റ്റിലായ ഇവരെ കോടതിയില്‍ ഹാജരാക്കി റിമാന്‍ഡ് ചെയ്തു. ഇത് കൂടാതെ പൊതു സ്ഥലത്തെ മദ്യപാനത്തിന് ഒരു അബ്കാരി കേസും മയക്കമരുന്ന് കേസും രജിസ്റ്റര്‍ ചെയ്തു.

മദ്യ വില്‍പന നടത്തിയ കോന്നി അരുവാപ്പുലം ബംഗ്ലാവ് മുരിപ്പേല്‍ ആനന്ദന്‍ (50), തിരുവല്ല പെരിങ്ങര താഴ്ചപ്പടവില്‍ വീട്ടില്‍ വിഷ്ണു (27), മല്ലപ്പള്ളി കല്ലുപ്പാറ കുന്നത്ത് വീട്ടില്‍ അനില്‍കുമാര്‍ (53), പത്തനംതിട്ട ആറന്മുള സ്വദേശി കുളത്തില്‍ വീട്ടില്‍ ഭദ്രന്‍ (61), സീതത്തോട് സ്വദേശി കുളത്തിങ്കല്‍ വീട്ടില്‍ എബ്രഹാം (41), മുറിഞ്ഞകല്‍ സ്വദേശി ആറ്റുമാലില്‍ വീട്ടില്‍ ഷിജു (40), കടമ്പനാട് സ്വദേശി നിത്യാ നിവാസില്‍ സുധാകരന്‍ (60), ഇരവിപേരൂര്‍ സ്വദേശി വഞ്ചിക്കാപുര വീട്ടില്‍ സുരേഷ് (54), ഉള്ളന്നൂര്‍ പടിഞ്ഞാറ്റേതില്‍ വീട്ടില്‍ അനില്‍ (38), തുവയൂര്‍ സ്വദേശി അക്ഷയ വീട്ടില്‍ അജയന്‍ (52), തെങ്ങമം പടിഞ്ഞാറ്റേടത്ത് വീട്ടില്‍ സഹദേവ കുറുപ്പ് (68), ഓമല്ലൂര്‍ താമരശ്ശേരിയില്‍ വീട്ടില്‍ ബിജു ജോണ്‍ (50), കുറിയന്നൂര്‍ പാറക്കാലയില്‍ വീട്ടില്‍ ഷാജി (52), കോന്നി സുരേഷ് എന്നിവര്‍ക്കെതിരെയാണ് കേസ് രജിസ്റ്റര്‍ ചെയ്തത്. ഇവരില്‍ നിന്നും 22.01 ലിറ്റര്‍ വിദേശ മദ്യം പിടികൂടി. കൂടാതെ 10.7 ലിറ്റര്‍ ചാരായവും 680 ലിറ്റര്‍ കോടയും ഒരു ഓട്ടോറിക്ഷയും സ്‌കൂട്ടറും പിടിച്ചെടുത്തു.

വരും ദിവസങ്ങളിലും പരിശോധനകള്‍ ശക്തമാക്കുമെന്ന് ഡെപ്യൂട്ടി എക്സൈസ് കമ്മീഷണര്‍ വി റോബര്‍ട്ട് അറിയിച്ചു. പരിശോധനക്ക് പത്തനംതിട്ട എക്സൈസ് സര്‍ക്കിള്‍ ഇന്‍സ്പെക്ടര്‍ ഷാജി, തിരുവല്ല എക്സൈസ് സര്‍ക്കിള്‍ ഇന്‍സ്പെക്ടര്‍ രാജേന്ദ്രന്‍, അടൂര്‍ എക്സൈസ് സര്‍ക്കിള്‍ ഇന്‍സ്പെക്ടര്‍ അന്‍ഷാദ്, മല്ലപ്പള്ളി എക്സൈസ് സര്‍ക്കിള്‍ ഇന്‍സ്പെക്ടര്‍ രഞ്ജിത്ത് കുമാര്‍, പത്തനംതിട്ട എക്സൈസ് ഇന്‍സ്പെക്ടര്‍ ശ്യാം, റാന്നി എക്സൈസ് ഇന്‍സ്പെക്ടര്‍ ബൈജു, മല്ലപ്പള്ളി എക്സൈസ് ഇന്‍സ്പെക്ടര്‍ അനു ബാബു, അസിസ്റ്റന്റ് എക്സൈസ് ഇന്‍സ്പെക്ടര്‍ ബിജു ഫിലിപ്പ്, നാര്‍കോട്ടിക് സ്പെഷ്യല്‍ സ്‌ക്വാഡ് അസിസ്റ്റന്റ് എക്സൈസ് ഇന്‍സ്പെക്ടര്‍ മനോജ്, ചിറ്റാര്‍ അസിസ്റ്റന്റ് എക്സൈസ് ഇന്‍സ്പെക്ടര്‍ അഭിലാഷ്, തിരുവല്ല അസിസ്റ്റന്റ് എക്സൈസ് ഇന്‍സ്പെക്ടര്‍ അജയകുമാര്‍ നേതൃത്വം നല്‍കി. പത്തനംതിട്ട ജില്ലാ എക്സൈസ് ഓഫീസ് 0468 2222873, ജില്ലാ എക്സൈസ് നാര്‍കോട്ടിക് സ്പെഷ്യല്‍ സ്‌ക്വാഡ് ഓഫീസ് 0468 2351000, ടോള്‍ ഫ്രീ നമ്പര്‍ 155358 എന്നിവയില്‍ വിവരങ്ങള്‍ കൈമാറാം.