ദുബൈ; വേനലിൽ വാഹന തകരാർ താരതമ്യേന കൂടുതലെന്ന് അധികൃതർ

ദുബൈ | വേനൽ കാലത്ത് വാഹന തകരാർ താരതമ്യേന കൂടുതലെന്ന് അധികൃതർ. വാഹന തീപ്പിടിത്തം ഒഴിവാക്കാൻ പതിവ് അറ്റകുറ്റപ്പണികൾ നിർണായകമാകുന്നു. 2023ൽ രാജ്യത്തെ റോഡുകളിൽ ഏകദേശം 1,300 വാഹനങ്ങൾക്ക് തീപ്പിടിച്ചു. ഉയർന്ന താപനില വാഹന ഘടകങ്ങളെ കൂടുതൽ സമ്മർദത്തിലാക്കുന്നു. ഇത് തീപ്പിടിത്തത്തിനുള്ള സാധ്യത വർധിപ്പിക്കുന്നു.

2023ൽ വേനൽക്കാലത്ത് യു എ ഇ റോഡുകളിൽ  ഓരോ മാസവും ശരാശരി 273 അപകടങ്ങൾ രേഖപ്പെടുത്തി. വേനൽക്കാലത്ത് റോഡുകളിൽ കാറുകൾ കുറവാണെങ്കിലും 2023 ജൂലൈയിൽ റോഡുകളിൽ 14 മരണങ്ങളുണ്ടായി. ഈ വർഷത്തെ ഏറ്റവും ഉയർന്ന സംഖ്യയാണിത്. 173 പേർക്ക് പരുക്ക് പറ്റി. മെയ് മുതൽ സെപ്തംബർ വരെ അറ്റകുറ്റപ്പണികൾക്കായി എത്തുന്ന കാറുകളിൽ ടയറുകൾ മോശമായി കാണപ്പെടുന്നു.കുറഞ്ഞ എൻജിൻ കൂളന്റ്‌ലെവലുകൾ, ശിഥിലമാകുന്ന വൈപ്പർ ബ്ലേഡുകൾ എന്നിവയാണ് ഏറ്റവും സാധാരണമായ പ്രശ്‌നങ്ങൾ.

കരാറുകളും പ്രശ്നങ്ങളും ഒഴിവാക്കാൻ സഹായിക്കുന്നതിന്, അബൂദബി പോലീസും അഡ്നോക് ഡിസ്ട്രിബ്യൂഷനും കാറുകൾ റോഡിൽ നിർത്തുന്നതിനും തകരാറുകളും അപകടങ്ങളും ഒഴിവാക്കുന്നതിനു സൗജന്യ വേനൽക്കാല പരിശോധന സേവനവും ആരംഭിച്ചു. രാജ്യത്തുടനീളമുള്ള 12 സ്ഥലങ്ങളിൽ, എൻജിൻ ഓയിൽ, ബ്രേക്ക് ഫ്ലൂയിഡ്, കൂളന്റ‌്, എയർ ഫിൽട്ടറുകൾ എന്നിവയുൾപ്പെടെ കാറിന്റെ സുപ്രധാന അടയാളങ്ങൾ വിദഗ്ധർ സൗജന്യ പരിശോധിക്കും.

ദുബൈയിലും സമാനമായ പ്രചാരണം നടക്കുന്നുണ്ട്. ഓട്ടോപ്രോയുടെ പങ്കാളിത്തത്തോടെ ആഗസ്റ്റ് 31 വരെ സൗജന്യ കാർ പരിശോധന പോലീസ് വാഗ്ദാനം ചെയ്തിട്ടുണ്ട്. ജനറൽ ഡിപ്പാർട്ട്മെന്റ്ഓഫ് ട്രാഫിക് “അപകടരഹിതമായ വേനൽ’ പ്രചാരണം നടത്തി. എയർ കണ്ടീഷനിംഗ്, ബാറ്ററികൾ, റേഡിയേറ്റർ ഹോസുകൾ, ടയറുകൾ, എൻജിൻ ഓയിൽ, കൂളന്റ്‌ലെവലുകൾ, വൈപ്പർ ബ്ലേഡുകൾ എന്നിവ വിലയിരുത്തുന്നതിന് പത്ത് പോയിന്റ് പരിശോധന സൗജന്യമായി വാഗ്ദാനം ചെയ്യുന്നു.