കരുവന്നൂരിനെ കുറിച്ച് ഇ ഡി ഇപ്പോള്‍ മിണ്ടുന്നില്ല, സുരേഷ് ഗോപിയെ ജയിപ്പിച്ചതു കൊണ്ട് മുഖ്യമന്ത്രിക്ക് നേട്ടമുണ്ടായി: കെ മുരളീധരന്‍

കോഴിക്കോട് | തൃശൂര്‍ പൂരം വിവാദത്തില്‍ മുഖ്യമന്ത്രിക്കെതിരെ കെ മുരളീധരന്‍. തൃശൂരില്‍ സുരേഷ് ഗോപിയെ ജയിപ്പിച്ചതു കൊണ്ട് മുഖ്യമന്ത്രിക്ക് നേട്ടമുണ്ടായെന്ന് മുരളി പറഞ്ഞു.

കരുവന്നൂരിനെ കുറിച്ച് ഇ ഡി ഇപ്പോള്‍ ഒരക്ഷരം മിണ്ടുന്നില്ല. സുരേഷ് ഗോപി പറഞ്ഞതുപോലെ എല്ലാം മായക്കാഴ്ചകളായി മാറി.

ഉപ തിരഞ്ഞെടുപ്പ് നടക്കുന്ന പാലക്കാട്ടും ചേലക്കരയിലും സജീവമാകുമെന്നും കെ മുരളീധരന്‍ പ്രതികരിച്ചു. പാര്‍ട്ടി വേദികളില്‍ സജീവമാകണോയെന്ന് തിരഞ്ഞെടുപ്പ് കഴിഞ്ഞ ശേഷം ആലോചിക്കുമെന്നും അദ്ദേഹം കൂട്ടിച്ചേര്‍ത്തു.