Ongoing News
എഡ്യുബറി ട്രൈനിംഗ് സെന്റര്‍ ഉദ്ഘാടനം ചെയ്തു
സ്വദേശികളുടെയും പ്രവാസികളുടെയും വിദ്യാഭ്യാസ-സാംസ്‌കാരിക ഉന്നമനം ലക്ഷ്യം വെച്ചാണ് എഡ്യുബറി ട്രൈനിംഗ് സെന്റര്‍ ആരംഭിച്ചത്.
അജ്മാന്‍ | മര്‍കസ് ത്വയ്ബയുടെ കീഴില്‍ അജ്മാന്‍ മുവൈഹാത്തില്‍ ആരംഭിച്ച എഡ്യൂബറി ട്രൈനിംഗ് സെന്ററിന്റെ ഔപചാരിക ഉദ്ഘാടനം സുല്‍ത്വാനുല്‍ ഉലമ കാന്തപുരം എ പി അബൂബക്കര്‍ മുസ്ലിയാര്‍ നിര്‍വഹിച്ചു. മത വിദ്യാഭ്യാസം, വിവിധ മത്സര പരീക്ഷാ പരിശീലനം, വിദൂര വിദ്യാഭ്യാസം, നൈപുണി പരിശീലനങ്ങള്‍ ഉള്‍പ്പെടെ അജ്മാന്‍ മേഖലയിലെ സ്വദേശികളുടെയും പ്രവാസികളുടെയും വിദ്യാഭ്യാസ-സാംസ്‌കാരിക ഉന്നമനം ലക്ഷ്യം വെച്ചാണ് എഡ്യുബറി ട്രൈനിംഗ് സെന്റര്‍ ആരംഭിച്ചത്.
അജ്മാന്‍ അക്കാദമിയില്‍ അശ്‌റഫ് ഹാജിയുടെ അധ്യക്ഷതയില്‍ നടന്ന ലോഞ്ചിങ് ചടങ്ങ് ഐ സി എഫ് നാഷണല്‍ ഡെപ്യൂട്ടി പ്രസിഡന്റ് ബസ്വീര്‍ സഖാഫി ഉദ്ഘാനം ചെയ്തു. സയ്യിദ് ഉബൈദ് നൂറാനി വളപട്ടണം, മര്‍സൂഖ് സഅദി പാപ്പിനിശ്ശേരി, സുഹൈറുദ്ദീന്‍ നൂറാനി പ്രസംഗിച്ചു. ഉദ്ഘാടനത്തിനോടനുബന്ധിച്ച് കുട്ടികളുടെ കലാ പരിപാടികളും യു എ ഇ യിലെ വിവിധ എമിറേറ്റുകളില്‍ നിന്ന് രജിസ്റ്റര്‍ ചെയ്ത വിദ്യാര്‍ഥികളെ പങ്കെടുപ്പിച്ച് ക്വിസ് മത്സരവും നടന്നു.
മാലപ്പാട്ടിന് ഉമറുല്‍ ഫാറൂഖ് ശ്രീകണ്ഠപുരം, അദ്‌നാന്‍ പാനൂര്‍ നേതൃത്വം നല്‍കി. നൗഫല്‍ നൂറാനി സ്വാഗതവും മുഈന്‍ എടയന്നൂര്‍ നന്ദിയും രേഖപ്പെടുത്തി. എഡ്യുബറി ട്രൈനിംഗ് സെന്റര്‍ സംബന്ധമായ കൂടുതല്‍ വിവരങ്ങള്‍ക്കും വിവിധ കോഴ്സുകളിലെ പ്രവേശനത്തിനും +971504732833 എന്ന നമ്പര്‍ ഉപയോഗിക്കാവുന്നതാണ്.
ഫോട്ടോ: അജ്മാനില്‍ മര്‍കസ് ത്വയ്ബ എഡ്യുബറി ട്രൈനിംഗ് സെന്റര്‍ സുല്‍ത്വാനുല്‍ ഉലമ കാന്തപുരം എ പി അബൂബക്കര്‍ മുസ്ലിയാര്‍ ഉദ്ഘാടനം ചെയ്യുന്നു.
Latest
പഴയ കാര്‍ പുതിയതെന്ന നിലയില്‍ വിറ്റ മാരുതി ഡീലര്‍ക്ക് പിഴ
ലോക ബാങ്ക് വാര്‍ഷിക യോഗത്തില്‍ പാനലിസ്റ്റായി മന്ത്രി വീണാ ജോര്‍ജ്
ജീവനക്കാര്‍ക്കും അധ്യാപകര്‍ക്കും ഒരു ഗഡു ഡി എ, ഡി ആര്‍ അനുവദിച്ചു
തെരഞ്ഞെടുപ്പ് പെരുമാറ്റ ചട്ടം: കമ്മിഷന്‍ നിലപാടില്‍ അയവു വരുത്തണമെന്ന് കേരള മുസ് ലിം ജമാഅത്ത്
പി എസ് സി; രണ്ടാം റാങ്ക് ഹബീബ് നൂറാനിക്ക്
സ്വര്‍ണാഭരണ നിര്‍മ്മാണ കേന്ദ്രങ്ങളിലും കടകളിലും ജി എസ് ടി ഇന്റലിജന്‍സ് വിഭാഗത്തിന്റെ റെയ്ഡ്
