എലത്തൂർ ട്രെയിൻ അപകടം; നൗഫിഖ് മരണത്തിന് കീഴടങ്ങിയത് ആക്കോട് വന്ന് മടങ്ങവെ

കണ്ണൂര്‍ | എലത്തൂരില്‍ അജ്ഞാത യുവാവാന്റെ പെട്രോള്‍ ആക്രമണത്തിനിടെ മരിച്ച നൗഫിഖ് കണ്ണൂര്‍ മട്ടന്നൂര്‍ കൊടോളിപ്പുറം സ്വദേശി. ഉണക്ക മത്സ്യ വ്യാപാരിയായ നൗഫിഖ് നോമ്പു തുറ പരിപാടിക്കായി മലപ്പുറം ആക്കോടുള്ള സ്ഥാപനത്തില്‍ എത്തി മടങ്ങുമ്പോഴാണ് സംഭവം. കോഴിക്കോട് നിന്നാണ് ട്രെയിനില്‍ കയറിയത്.

ഇന്നലെ ഉച്ചയോടെയാണ് തന്റെ ഗുഡ്‌സ് ഓട്ടോയില്‍ നൗഫിഖ് വീട്ടില്‍ നിന്ന് പുറപ്പെട്ടത്.

ഭാര്യ: ബുശ്‌റ. മൂന്ന് കുട്ടികളുടെ പിതാവാണ് നൗഫിഖ്.

അജ്ഞാതൻ പെട്രോൾ ഒഴിക്കുകയും തീവെക്കുകയും ചെയ്തതോടെ പരിഭ്രാന്തരായ മൂന്ന് പേർ ട്രെയിനിൽ നിന്ന് പുറത്തേക്ക് ചാടുകയായിരുന്നു എന്നാണ് നിഗമനം. ട്രെയിനിൽ നിന്ന് വീണതിന് സമാനമായ പരുക്കുകളാണ് മൃതദേഹങ്ങളിൽ ഉണ്ടായിരുന്നത്.