ഇ പി പച്ചയായ മനുഷ്യന്‍; പരാമര്‍ശങ്ങള്‍ ദുര്‍വ്യാഖ്യാനം ചെയ്തത്: പി സരിന്‍

പാലക്കാട്  | ഇപി ജയരാജന്റെ ആത്മകഥയിലെന്ന പേരില്‍ പുറത്തുവന്ന ഭാഗങ്ങളില്‍ വിവാദം കൊഴുക്കവെ തനിക്കെതിരായ പരാമര്‍ശങ്ങളില്‍ പ്രതികരണവുമായി പാലക്കാട് എല്‍ഡിഎഫ് സ്ഥാനാര്‍ഥി ഡോ. പി സരിന്‍. പുസ്തകത്തിലെ ഭാഗങ്ങള്‍ എന്ന പേരില്‍ പുറത്തുവന്ന പരാമര്‍ശങ്ങള്‍ പി ജയരാജന്‍ തന്നെ നിഷേധിച്ചു എന്നാണ് അറിയുന്നത് . പരാമര്‍ശങ്ങള്‍ ദുര്‍വ്യാഖ്യാനം ചെയ്യപ്പെട്ടുവെന്നും സരിന്‍ പ്രതികരിച്ചു. ഏതെങ്കിലും തെറ്റിധാരണയുടെ പേരില്‍ തനിക്കെതിരെ പരാമര്‍ശം ഉണ്ടായെങ്കില്‍ അത് പരിശോധിക്കും. പുസ്തകം പുറത്ത് വന്നാലേ കാര്യങ്ങള്‍ വ്യക്തമാകുവെന്ന് പി സരിന്‍ പറഞ്ഞു.

ഇപി ജയരാജന്‍ പച്ചയായ ഒരു മനുഷ്യന്‍ ആണ്. ഇപി വിഷയം ചര്‍ച്ചയാക്കണം എന്നുണ്ടെങ്കില്‍ ചര്‍ച്ചയാക്കിക്കോളൂവെന്നും സരിന്‍ പറഞ്ഞു. ഡോ.പി. സരിനെ പാലക്കാട് ഉപതിരഞ്ഞെടുപ്പില്‍ എല്‍ഡിഎഫ് സ്ഥാനാര്‍ഥിയാക്കിയതിലും അതൃപ്തിയുണ്ടെന്നാണ് ഇപിയുടെ ആത്മകഥയില്‍ പറയുന്നത്. സരിന്‍ അവസരവാദിയാണ്. സ്വതന്ത്രര്‍ വയ്യാവേലിയാകുന്നത് ഓര്‍ക്കണം. ഇഎംഎസ് തന്നെ ഇക്കാര്യ പറഞ്ഞിരുന്നുവെന്നും ആത്മകഥയില്‍ പറയുന്നു.