International
യൂറോ കപ്പ്; ഫ്രാന്‍സിനെ തോല്‍പ്പിച്ച് സ്പെയിന് ഫൈനലില്‍
യൂറോ കപ്പ് ചരിത്രത്തില്‍ തുടര്‍ച്ചയായി ആറു കളികള്‍ ജയിക്കുന്ന ആദ്യ ടീമെന്ന നേട്ടവും സ്‌പെയിനിന് സ്വന്തം.
മ്യൂണിക്ക്| യൂറോ കപ്പ് ഫുട്‌ബോള്‍ ടൂര്‍ണമെന്റില്‍ ഫ്രാന്‍സിനെ ഒന്നിനെതിരെ രണ്ട് ഗോളുകള്‍ക്ക് തോല്‍പ്പിച്ച് സ്പെയിന് ഫൈനലില്‍. ആദ്യ പകുതിയില്‍ തന്നെ സ്പെയിന് ഒന്നിനെതിരെ രണ്ട് ഗോളുകള്‍ക്ക് മുന്നിലായിരുന്നു. എന്നാല്‍ രണ്ടാം പകുതിയില്‍ ശക്തമായി തിരിച്ചുവരാന്‍ ശ്രമിച്ച ഫ്രാന്‍സിന് ഗോള്‍വല ചലിപ്പിക്കാനായില്ല.
കളിയുടെ തുടക്കം മുതല്‍ ആധിപത്യം പുലര്‍ത്തിയത് സ്പെയിനാണ്. സ്‌പെയിനിനെ ഞെട്ടിച്ച് ഫ്രാന്‍സ് ആദ്യം വലകുലുക്കി. 9ാം മിനിറ്റില്‍ ബോക്സിന്റെ ഇടതുഭാഗത്തുനിന്ന് കിലിയന്‍ എംബാപെ നല്‍കിയ ക്രോസ് കൃത്യമായി സ്പെയിന് പോസ്റ്റിലേക്ക് കോലോ മുവാനി ഹെഡ്ഡ് ചെയ്തുകയറ്റി.
ഗോള്‍വീണതോടെ സ്പെയിന് ഫ്രഞ്ച് ബോക്സിലേക്ക് കണ്ണുനട്ടു നിന്നു. 21ാം മിനിറ്റില്‍ ലോങ്റേഞ്ചര്‍ ഗോളിലൂടെ ലമീന്‍ യമാല്‍ സമനില പിടിച്ചു. യൂറോയിലെ പ്രായംകുറഞ്ഞ ഗോള്‍ സ്‌കോററാണ് 16 കാരനായ താരം. 25ാം മിനിറ്റില്‍ ഫ്രാന്‍സ് പ്രതിരോധ പിഴവില്‍ രണ്ടാം ഗോളും നേടി.
രണ്ടാം പകുതിയില്‍ ആക്രമിച്ച് കളിച്ചത് ഫ്രാന്‍സായിരുന്നു. കിലിയന്‍ എംബാപെയുടെയും സംഘത്തിന്റേയും നീക്കങ്ങളെ ഫലപ്രദമായി പ്രതിരോധിക്കുകയായിരുന്നു സ്പെയിന്. ഫ്രാന്‍സ് എഡ്വാര്‍ഡ് കമവിംഗ, അന്റോണിയോ ഗ്രീസ്മാൻ , ബ്രാഡ്ലി ബാര്‍ക്കോള എന്നിവരെ ഇറക്കി അവസാന നിമിഷം ഗോളിനായി ശ്രമം നടത്തിയെങ്കിലും വിജയംകണ്ടില്ല. 86ാം മിനിറ്റില്‍ ലഭിച്ച അവസരം എംബാപെ നഷ്ടപ്പെടുത്തി. യൂറോ കപ്പ് ചരിത്രത്തില്‍ തുടര്‍ച്ചയായി ആറു കളികള്‍ ജയിക്കുന്ന ആദ്യ ടീമെന്ന നേട്ടവും സ്‌പെയിനിന് സ്വന്തം.
Latest
പെര്‍ത്ത് ടെസ്റ്റ്; തകര്‍ത്തടിച്ച് ജയ്‌സ്വാളും രാഹുലും, ഇന്ത്യ ശക്തമായ നിലയില്‍
മുനമ്പത്ത് ആരെയും കുടിയിറക്കില്ല; സമരക്കാര്‍ക്ക് മുഖ്യമന്ത്രിയുടെ ഉറപ്പ്
ജാമിഅത്തുല്‍ ഹിന്ദിന്റെ ആദ്യ സെമസ്റ്റര്‍ പരീക്ഷ 25ന് ആരംഭിക്കും
'വികസനത്തിന്റെയും സദ്ഭരണത്തിന്റെയും വിജയം'; മഹാരാഷ്ട്രയിലെ വോട്ടര്‍മാര്‍ക്ക് നന്ദി പറഞ്ഞ് പ്രധാനമന്ത്രി
ഭരണ വിരുദ്ധ വികാരമില്ല, ചേലക്കരയിലേത് ഉജ്ജ്വല വിജയം, വര്‍ഗീയതക്കെതിരായ വോട്ട് ഇടതിന് ലഭിച്ചു: മുഖ്യമന്ത്രി
അവകാശവാദങ്ങള്‍ പൊളിഞ്ഞു; എങ്കിലും സാന്നിധ്യമറിയിച്ച് അന്‍വര്‍
