മികച്ച സെറ്റ് നില; തോറ്റെങ്കിലും കാലിക്കറ്റ് ഹീറോസ് സെമിയില്‍

ബെംഗളൂരു | പ്രൈം വോളിയില്‍ കാലിക്കറ്റ് ഹീറോസിന് തോല്‍വി. കൊച്ചിയിലെ രാജീവ് ഗാന്ധി ഇന്‍ഡോര്‍ സ്‌റ്റേഡിയത്തില്‍ നടന്ന ആവേശകരമായ മത്സരത്തില്‍ രണ്ടിനെതിരെ മൂന്ന് സെറ്റുകള്‍ക്ക് ബെംഗളൂരു ടോര്‍പിഡോസിനോടാണ് പരാജയപ്പെട്ടത്.

സ്‌കോര്‍: 3-2 (15-11, 15-11, 13-15, 10-15, 15-14). തോറ്റെങ്കിലും മികച്ച സെറ്റ് നില പ്രകാരം കാലിക്കറ്റ് ഹീറോസ് സെമിയില്‍ കടന്നു.

ആദ്യ രണ്ട് സെറ്റ് അടിയറവെച്ച് കാലിക്കറ്റ് ശ്ക്തമായി തിരിച്ചുവരികയും അടുത്ത രണ്ട് സെറ്റ് സ്വന്തമാക്കുകയും ചെയ്തു. അവസാന സെറ്റില്‍ ഇഞ്ചോടിഞ്ച് പോരാട്ടമാണ് കണ്ടത്. 13-13, 14-14 എന്നീ നിലകളില്‍ തുല്യത പാലിച്ചു നില്‍ക്കെ അലിറെസയുടെ കിടിലന്‍ സ്മാഷിലൂടെ അവസാന പോയിന്റ് നേടി ബെംഗളൂരു വിജയം കൊയ്യുകയായിരുന്നു.