Kerala
ചങ്ങനാശ്ശേരിയില്‍ എക്സൈസിന്റെ വന്‍ ലഹരിവേട്ട; 12.5 കിലോ കഞ്ചാവുമായി യുവാവ് പിടിയില്‍
ഇയാള്‍ നിരവധി ക്രിമിനല്‍ക്കേസുകളില്‍ അടക്കം പ്രതിയാണ്
ചങ്ങനാശ്ശേരി | വിദ്യാര്‍ത്ഥികള്‍ക്കും യുവാക്കള്‍ക്കും വിതരണം ചെയ്യാന്‍ എത്തിച്ച 12.5 കിലോ കഞ്ചാവ് എക്സൈസ് സംഘം പിടിച്ചെടുത്തു.സംഭവത്തില്‍ ഒരാള്‍ പിടിയിലായി. ചങ്ങനാശേരി സ്വദേശിയായ ഷാരോണ്‍ നജീബിനെയാണ് എക്സൈസ് സംഘം പിടികൂടിയത്. ഇയാള്‍ നിരവധി ക്രിമിനല്‍ക്കേസുകളില്‍ അടക്കം പ്രതിയാണ് എന്നു എക്സൈസ് സംഘം അറിയിച്ചു.
വാറണ്ട് കേസില്‍ അടക്കം പ്രതിയായ ഷാരോണിനെ കണ്ട് തിരിച്ചറിഞ്ഞ ചങ്ങനാശേരി എക്സൈസ് ഇന്‍സ്പെക്ടര്‍ ടി.എസ് പ്രമോദിന്റെ നേതൃത്വത്തിലുള്ള സംഘം ഇയാളെ ചോദ്യം ചെയ്യുകയും, പരിശോധന നടത്തുകയും ചെയ്തപ്പോഴാണ് കഞ്ചാവ് കണ്ടെടുത്തത്. ട്രെയിന്‍ മാര്‍ഗമാണ് ഇയാള്‍ കഞ്ചാവ് കടത്തിക്കൊണ്ടു വന്നത് എന്നാണ് ലഭിക്കുന്ന സൂചന.
പരിശോധനയ്ക്ക് അസി.എക്സൈസ് ഇന്‍സ്പെക്ടര്‍ സുരേഷ് ടി.എസ്, ഗ്രേഡ് പ്രിവന്റീവ് ഓഫിസര് സന്തോഷ് , പ്രിവന്റീവ് ഓഫിസര് ആന്റണി മാത്യു സിവില്‍ എക്സൈസ് ഓഫിസര്‍മാരായ രതീഷ് കെ.നാണു, പ്രവീണ്‍ കുമാര്‍ എ.ജി, ഷഫീഖ് ,വനിതാ സിവില്‍ എക്സൈസ് ഓഫിസര് നിത്യാ മുരളി, പ്രിയ , ഡ്രൈവര്‍ മനീഷ് എന്നിവര്‍ നേതൃത്വം നല്‍കി
Latest
വോട്ടെണ്ണല് രാവിലെ എട്ടുമുതല്; സ്ഥാനാര്ഥികള് വോട്ടെണ്ണല് കേന്ദ്രങ്ങളില്
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്
ഹജ്ജ് കമ്മിറ്റി അംഗങ്ങളായി; ചെയര്മാന് തിരഞ്ഞെടുപ്പ് ഉടന്
പെണ്മക്കളെ പീഡിപ്പിച്ച കേസില്‍ അച്ഛനെ രാജാക്കാട് പോലീസ് അറസ്റ്റ് ചെയ്തു
കാട്ടാന വനപാലകരുടെ ജീപ്പ് മറിച്ചിട്ടു;രണ്ടുപേര്ക്ക് പരിക്ക്
സന്നിധാനത്ത് ഇതുവരെ പിടികൂടിയത് 33 പാമ്പുകളെ
