Kerala
വ്യാജ ഓണ്‍ലൈന്‍ ട്രേഡിംഗ്; 25 ലക്ഷത്തിലധികം തട്ടിയെടുത്ത കേസില്‍ തമിഴ്‌നാട് സ്വദേശി അറസ്റ്റില്‍
തമിഴ്‌നാട്, ശിവഗംഗ സ്വദേശി അജിത്കുമാര്‍ (28)നെ ആണ് ഇടുക്കി സൈബര്‍ ക്രൈം പോലീസ് അറസ്റ്റ് ചെയ്തത്.
ഇടുക്കി | ഇലപ്പള്ളി എടാട് സ്വദേശിയില്‍ നിന്നും ഓണ്‍ലൈന്‍ തട്ടിപ്പിലൂടെ 25,26,000 രൂപ തട്ടിയെടുത്ത കേസില്‍ തമിഴ്‌നാട് സ്വദേശി അറസ്റ്റില്‍. ഓണ്‍ലൈന്‍ ട്രേഡിംഗിലൂടെ മികച്ച ലാഭമുണ്ടാക്കാമെന്ന് വിശ്വസിപ്പിച്ച് വിവിധ അക്കൗണ്ടുകളിലേക്ക് ട്രാന്‍സ്ഫര്‍ ചെയ്യിപ്പിച്ച് തട്ടിയെടുത്ത കേസിലെ അക്കൗണ്ട് ഉടമ തമിഴ്‌നാട്, ശിവഗംഗ സ്വദേശി അജിത്കുമാര്‍ (28)നെ ആണ് ഇടുക്കി സൈബര്‍ ക്രൈം പോലീസ് അറസ്റ്റ് ചെയ്തത്.
സമാനമായ 20 കേസുകളില്‍ ഇയാള്‍ പ്രതിയാണ്. ഇടുക്കി ജില്ലാ പോലീസ് മേധാവി ടി കെ വിഷ്ണു പ്രദീപിന്റെ നിര്‍ദേശാനുസരണം ജില്ലാ ക്രൈം റിക്കാര്‍ഡ്‌സ് ബ്യൂറോ ഡെപ്യൂട്ടി പോലീസ് സൂപ്രണ്ട് കെ ആര്‍ ബിജുവിന്റെ മേല്‍നോട്ടത്തില്‍ സൈബര്‍ ക്രൈം പോലീസ് സ്റ്റേഷന്‍ ഇന്‍സ്‌പെക്ടര്‍ വി എ സുരേഷിന്റെ നേതൃത്വത്തിലാണ് പ്രതിയെ പിടികൂടിയത്.
തൊടുപുഴ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Latest
ഛത്തിസ്ഗഢിലെ സുഖ്മയില്‍ 22 മാവോയിസ്റ്റുകള്‍ കീഴടങ്ങി; ഒമ്പത് പേര്‍ സ്ത്രീകള്‍
വിദ്യാലയ പരിസരങ്ങള്‍ കേന്ദ്രീകരിച്ച് ലഹരി വില്‍പന; യുവാവ് പിടിയില്‍
ചൂരല്‍മല-മുണ്ടക്കൈ പുനരധിവാസം: സുപ്രീം കോടതിയില്‍ അപ്പീലുമായി എല്‍സ്റ്റണ്‍ എസ്റ്റേറ്റ്
ഒറ്റപ്പാലത്ത് ഗൃഹനാഥനെ വെട്ടിക്കൊലപ്പെടുത്തി; പ്രതി കസ്റ്റഡിയില്‍
ഇന്ത്യന്‍ ആന്‍ജിയോപ്ലാസ്റ്റിയുടെ പിതാവ് ഡോ. മാത്യു സാമുവേലിനു വിട; അന്ത്യം ചെന്നൈയില്‍
യുദ്ധം ഉടന്‍ നിര്‍ത്തണം, നീണ്ടാല്‍ ചര്‍ച്ചയില്‍ നിന്ന് പിന്മാറും; റഷ്യക്കും യുക്രൈനും അന്ത്യശാസനവുമായി യു എസ്
