Ongoing News
ഐ പി എലിനോടും വിട; പാഡഴിച്ച് പൊള്ളാര്‍ഡ്
12 വര്‍ഷം നീണ്ട ഐ പി എല്‍ കരിയറിനാണ് പൊള്ളാര്‍ഡ് വിരാമം കുറിച്ചത്. താരത്തെ ബാറ്റിങ് പരിശീലകനായി മുംബൈ നിയമിച്ചിട്ടുണ്ട്.
മുംബൈ | മുംബൈ ഇന്ത്യന്‍സ് താരം കീറോണ്‍ പൊള്ളാര്‍ഡ് ഐ പി എലില്‍ നിന്ന് വിരമിക്കല്‍ പ്രഖ്യാപിച്ചു. 12 വര്‍ഷം നീണ്ട ഐ പി എല്‍ കരിയറിനാണ് പൊള്ളാര്‍ഡ് വിരാമം കുറിച്ചത്. താരത്തെ ബാറ്റിങ് പരിശീലകനായി മുംബൈ നിയമിച്ചിട്ടുണ്ട്. കഴിഞ്ഞ വര്‍ഷം രാജ്യാന്തര ക്രിക്കറ്റില്‍ നിന്ന് പൊള്ളാര്‍ഡ് വിരമിച്ചിരുന്നു.
അടുത്ത ഐ പി എല്‍ പതിനാറാം സീസണിലേക്ക് പൊള്ളാര്‍ഡിനെ മുംബൈ പരിഗണിക്കാന്‍ സാധ്യതയില്ലെന്ന് റിപ്പോര്‍ട്ടുകളുണ്ടായിരുന്നു. മുംബൈ ജഴ്‌സി ലഭിച്ചില്ലെങ്കിലും അവര്‍ക്കെതിരെ ഒരിക്കലും കളിക്കാന്‍ തനിക്ക് കഴിയില്ലെന്നതിനാലാണ് ഐ പി എലില്‍ നിന്ന് വിരമിക്കാന്‍ തീരുമാനിച്ചതെന്ന് പൊള്ളാര്‍ഡ് പ്രസ്താവനയില്‍ വ്യക്തമാക്കിയിട്ടുണ്ട്.
ഒറ്റയാള്‍ പോരാട്ടത്തില്‍ ശ്രദ്ധേയനായിരുന്ന 35കാരനായ പൊള്ളാര്‍ഡ് 2010 മുതല്‍ മുംബൈ ഇന്ത്യന്‍സിന്റെ ഭാഗമാണ്. പരാജയത്തെ അഭിമുഖീകരിച്ചിരുന്ന പല സന്ദര്‍ഭങ്ങളിലും ടീമിന്റെ രക്ഷകനായി അവതരിക്കാന്‍ താരത്തിന് കഴിഞ്ഞിട്ടുണ്ട്. ഫീല്‍ഡിങിലും പലപ്പോഴും തകര്‍പ്പന്‍ പ്രകടനങ്ങള്‍ പൊള്ളാര്‍ഡ് കാഴ്ചവച്ചു. എന്നാല്‍, കഴിഞ്ഞ ഐ പി എല്‍ സീസണില്‍ മികവ് പുലര്‍ത്താന്‍ താരത്തിന് സാധിച്ചിരുന്നില്ല.
Latest
സന്ദീപ് വാര്യര്‍ ഇതുവരെ ആര്‍ എസ് എസിനെ തള്ളിപ്പറഞ്ഞിട്ടി: എ കെ ബാലന്‍
ജി 20 ഉച്ചകോടി; ശരീഫ് കാരശ്ശേരി പങ്കെടുക്കും
കോണ്‍ഗ്രസ്സില്‍ ചേര്‍ന്ന സന്ദീപ് വാര്യര്‍ പാണക്കാട്ടെത്തി ലീഗ് നേതാക്കളെ കണ്ടു
റിയാദ് ജയിലില്‍ കഴിയുന്ന ഫറോക്ക് സ്വദേശി അബ്ദുല്‍ റഹീമിന്റെ ജയില്‍ മോചന ഉത്തരവ് ഇന്ന് ഉണ്ടാകുമെന്ന് പ്രതീക്ഷ
ഉത്തര്‍പ്രദേശില്‍ 10 നവജാത ശിശുക്കള്‍ വെന്തുമരിച്ച സംഭവം; ദേശീയ മനുഷ്യാവകാശ കമ്മീഷന്‍ വിശദീകരണം ആവശ്യപ്പെട്ടു
അഞ്ചു ജില്ലകളില്‍ ഇന്ന് ഇടിമിന്നലോട് കൂടിയ ശക്തമായ മഴ തുടരാന്‍ സാധ്യത
