കൃഷിയിടത്തില്‍ കര്‍ഷകന് കാട്ടുപന്നിയുടെ കുത്തേറ്റു

കോഴിക്കോട് | കൃഷിയിടത്തില്‍ പണിയെടുക്കുകയായിരുന്നു കര്‍ഷകനെ കാട്ടുപന്നി ആക്രമിച്ചു. കാരശ്ശേരി തേക്കുംകുറ്റിയില്‍ പട്ടാപകലുണ്ടായ കാട്ടുപന്നി ആക്രമണത്തില്‍ കര്‍ഷകനായ സലീമി (64) നാണ് പരിക്കേറ്റത്.

വീടിനോട് ചേര്‍ന്ന കൃഷിയിടത്തില്‍ ജോലി ചെയ്യുമ്പോഴായിരുന്നു ആക്രമണം.പാഞ്ഞടുത്ത പന്നി ആക്രമിക്കുകയായിരുന്നു. ഒഴിഞ്ഞുമാറിയതിനാല്‍ കൂടുതല്‍ പരിക്കില്‍ നിന്ന് രക്ഷപ്പെടുകയായിരുന്നു. പരിക്കേറ്റ സലീമിനെ ഉടന്‍ തന്നെ മുക്കം സാമൂഹ്യാരോഗ്യ കേന്ദ്രത്തില്‍ പ്രവേശിപ്പിച്ചു. പ്രാഥമിക ചികിത്സ നല്‍കിയ ശേഷം പിന്നീട് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.