National
കര്‍ഷകരുടെ ഡല്‍ഹി ചലോ മാര്‍ച്ച് ഇന്ന് പുനരാരംഭിക്കും; 101 കര്‍ഷകരുടെ കാല്‍നടയാത്ര
കഴിഞ്ഞ ഞായറാഴ്ച ആരംഭിച്ച മാര്‍ച്ച് പോലീസ് തടഞ്ഞതിനെത്തുടര്‍ന്ന് സംഘര്‍ഷം ഉണ്ടായിരുന്നു
ന്യൂഡല്‍ഹി | കര്‍ഷകരുടെ ഡല്‍ഹി ചലോ മാര്‍ച്ച് ഇന്ന് പുനരാരംഭിക്കും. 101 കര്‍ഷകരാണ് ഡല്‍ഹിയിലേക്ക് കാല്‍നടയായി നീങ്ങുകയെന്ന് കര്‍ഷക നേതാവ് സര്‍വെന്‍ സിംഗ് പന്ദര്‍ അറിയിച്ചു. കഴിഞ്ഞ ഞായറാഴ്ച ആരംഭിച്ച മാര്‍ച്ച് പോലീസ് തടഞ്ഞതിനെത്തുടര്‍ന്ന് സംഘര്‍ഷം ഉണ്ടായിരുന്നു. സമാധാനപരമായിട്ടായിരിക്കും മാര്‍ച്ച് ആരംഭിക്കുകയെന്ന് അദ്ദേഹം പറഞ്ഞു.
സമരം ശക്തമാക്കും മുമ്പ് സര്‍ക്കാര്‍ ചര്‍ച്ചയ്ക്ക് തയ്യാറാകണമെന്നും നിരാഹാര സമരം നടത്തുന്ന ജഗജീത് സിംഗ് ദല്ലേ വാളിന്റ ആരോഗ്യ നില മോശമാണെന്നും അദ്ദേഹം കൂട്ടിച്ചേര്‍ത്തു.
കഴിഞ്ഞ ദിവസം കര്‍ഷകര്‍ നടത്തിയ ഡല്‍ഹി ചലോ മാര്‍ച്ചില്‍ പോലീസ് തുടര്‍ച്ചയായി ജലപീരങ്കിയും കണ്ണീര്‍ വാതകവും പ്രയോഗിച്ചതോടെയാണ് കര്‍ഷകര്‍ മാര്‍ച്ചില്‍ നിന്ന് താല്‍ക്കാലികമായി പിന്‍വാങ്ങിയത്.
സംഘര്‍ഷത്തില്‍ 15 ലധികം കര്‍ഷകര്‍ക്ക് പരുക്കേറ്റിരുന്നു. കര്‍ഷകര്‍ കഴിഞ്ഞ രണ്ട് തവണയായി നടത്തിയ മാര്‍ച്ചും സംഘര്‍ഷത്തിലാണ് കലാശിച്ചത്. ശംഭു അതിര്‍ത്തിയില്‍ ഈ വര്‍ഷം ഫെബ്രുവരി മുതല്‍ വിവിധ ആവശ്യങ്ങള്‍ ഉന്നയിച്ച് പഞ്ചാബിലെ കര്‍ഷകര്‍ സമരത്തിലാണ്.
Latest
ഇംഗ്ലണ്ടിനെ കശക്കി ഇന്ത്യ; ആധികാരിക ജയത്തോടെ ഫൈനലില്‍
സ്വകാര്യ മേഖലയില്‍ ജോലി സമയം കൂട്ടാനുള്‍പ്പെടെ നിര്‍ദേശിച്ച് സാമ്പത്തിക സര്‍വേ
ബറാഅത്ത് ദിനം ഫെബ്രുവരി 15 ശനിയാഴ്ച
രഞ്ജി ട്രോഫി: ബിഹാറിനെതിരെ ഇന്നിംഗ്‌സ് വിജയം; കേരളം ക്വാര്‍ട്ടറില്‍
"പ്രസിഡൻ്റ് വായിച്ചു ക്ഷീണിച്ചു"; രാഷ്ട്രപതിയുടെ നീണ്ട അഭിസംബോധനയെക്കുറിച്ച് സോണിയ
ബിസിസിഐ ലൈഫ് ടൈം അച്ചീവ്‌മെന്റ്റ് പുരസ്കാരം സച്ചിൻ ടെണ്ടുൽക്കർക്കെന്ന് റിപ്പോർട്ട്
