Uae
ഫെബ്രുവരി 28 വിദ്യാഭ്യാസ ദിനമായി പ്രഖ്യാപിച്ചു
ഈ ദിവസം വിദ്യാഭ്യാസ മേഖലയില്‍ പ്രവര്‍ത്തിക്കുന്ന എല്ലാവരെയും ആദരിക്കുമെന്നും യു എ ഇയുടെ പുരോഗതിയില്‍ അവരുടെ പ്രധാന പങ്ക് തിരിച്ചറിയുമെന്നും പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ പറഞ്ഞു.
അബൂദബി|ഫെബ്രുവരി 28 വിദ്യാഭ്യാസത്തിനായുള്ള ഇമാറാത്തി ദിനമായി ആചരിക്കുമെന്ന് പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ പ്രഖ്യാപിച്ചു. ഈ ദിവസം വിദ്യാഭ്യാസ മേഖലയില്‍ പ്രവര്‍ത്തിക്കുന്ന എല്ലാവരെയും ആദരിക്കുമെന്നും യു എ ഇയുടെ പുരോഗതിയില്‍ അവരുടെ പ്രധാന പങ്ക് തിരിച്ചറിയുമെന്നും അദ്ദേഹം വ്യക്തമാക്കി.
1982ല്‍ ഈ ദിവസം, യു എ ഇയുടെ സ്ഥാപക പിതാവ് പരേതനായ ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാന്‍, യു എ ഇ സര്‍വകലാശാലയില്‍ നിന്നുള്ള ആദ്യ ബാച്ച് അധ്യാപകരുടെ ബിരുദദാനത്തിന് സാക്ഷ്യം വഹിച്ചു. രാജ്യത്തിന്റെ വികസനത്തിന്റെയും വളര്‍ച്ചയുടെയും യാത്രയില്‍ ചരിത്രപരമായ ഒരു ചുവടുവെപ്പ് അടയാളപ്പെടുത്തിയ ദിനമായിരുന്നു ഇതെന്ന് ശൈഖ് മുഹമ്മദ് പറഞ്ഞു. രാജ്യത്തിന്റെ പുരോഗതിക്കും സാംസ്‌കാരിക മുന്നേറ്റത്തിനും പിന്നിലെ ചാലകശക്തിയായി വിദ്യാഭ്യാസത്തെ കണക്കാക്കി യു എ ഇ വികസന പദ്ധതികളുടെ ഹൃദയഭാഗത്ത് അതിനെ സ്ഥാപിച്ചു.
1976ല്‍ അന്തരിച്ച ശൈഖ് സായിദാണ് യു എ ഇ യൂണിവേഴ്സിറ്റി സ്ഥാപിച്ചത്. ഇത് യു എ ഇയിലെ ഏറ്റവും പഴക്കം ചെന്ന സര്‍വകലാശാലയും രാജ്യത്തിന്റെ അഭിമാനമായ അക്കാദമിക് സ്ഥാപനവുമാണെന്ന് അദ്ദേഹം പറഞ്ഞു.
Latest
ടോണ്‍സിലെറ്റിസിനുള്ള വീട്ടുവൈദ്യം
പി ശശിക്കെതിരെ പാര്‍ട്ടിക്ക് നല്‍കിയ പരാതി പുറത്തുവിട്ട് പി വി അന്‍വര്‍
ക്യാഷ് ഓൺ ഡെലിവറി ഓർഡർ; ഡെലിവറി ബോയിയെ കഴുത്ത് ഞെരിച്ച് കൊന്ന് ഒരു ലക്ഷം രൂപയുടെ സ്മാർട്ട് ഫോൺ തട്ടിയെടുത്തു
ചെന്നൈയിൽ പട്ടിണി കിടന്ന അതിഥി തൊഴിലാളി മരിച്ചു
മുഖ്യമന്ത്രി പറഞ്ഞത് മലപ്പുറത്തെക്കുറിച്ചല്ല; വാക്കുകളെ ദുരുദ്ദേശത്തോടെ വര്‍ഗീയമായി വളച്ചൊടിച്ചു: എം ബി രാജേഷ്
ശബരി ആശ്രമത്തിലെ ചടങ്ങിനിടെ ഗവര്‍ണര്‍ ആരിഫ് മുഹമ്മദ് ഖാന്റെ ഷാളിന് തീപിടിച്ചു
