fifa the best award
ഫിഫയുടെ മികച്ച താരം മെസ്സി; പുരസ്കാര നിറവിൽ അർജൻ്റീന
മികച്ച ഗോള്‍കീപ്പറായി അര്‍ജന്റീനയുടെ എമിലിയാനോ മാര്‍ട്ടിനെസിനെയും ലയണല്‍ സ്‌കലോണിയെ മികച്ച കോച്ചായും തിരഞ്ഞെടുത്തു.
പാരീസ് | കഴിഞ്ഞ സീസണിലെ ഫിഫ ദ ബെസ്റ്റ് പുരസ്‌കാരം കരസ്ഥമാക്കി അർജൻ്റീന ക്യാപ്റ്റനും പി എസ് ജി താരവുമായ ലയണല്‍ മെസ്സി. ലോകകപ്പ് കിരീട നേട്ടത്തിന് ശേഷമുള്ള വലിയ പുരസ്കാരമാണ് മെസ്സി നേടുന്നത്. ഫ്രാന്‍സിന്റെ കിലിയന്‍ എംബാപ്പെയെയും ബാലൻ ഡി ഓർ ജേതാവ് കരിം ബെന്‍സേമയെയും പിന്നിലാക്കിയാണ് മെസ്സിയുടെ നേട്ടം. പുരസ്കാര വേദിയിൽ അർജൻ്റീനക്കായിരുന്നു മികവ്.
സ്‌പെയിനിന്റെ അലക്‌സിയ പുട്ടിയാസാണ് മികച്ച വനിതാ താരം. മികച്ച ഗോള്‍കീപ്പറായി അര്‍ജന്റീനയുടെ എമിലിയാനോ മാര്‍ട്ടിനെസിനെയും ലയണല്‍ സ്‌കലോണിയെ മികച്ച കോച്ചായും തിരഞ്ഞെടുത്തു. മികച്ച ആരാധകര്‍ക്കുള്ള പുരസ്‌കാരവും അര്‍ജന്റീനിയക്കാർക്കാണ്. സ്കലോണിയുടെ പരിശീലനത്തിലാണ് അർജൻ്റീന ലോകകപ്പ് നേടിയത്.
കഴിഞ്ഞ ദിവസമാണ് മെസ്സി തൻ്റെ 700ാം ക്ലബ് ഗോൾ നേടിയത്. ഏഴ് പ്രാവശ്യം ബാലണ്‍ ഡി ഓർ നേടിയിട്ടുള്ള മെസ്സി 2019-ല്‍ ‘ഫിഫ ദ ബെസ്റ്റ്’ പുരസ്‌കാരവും നേടിയിട്ടുണ്ട്. 2016 മുതലാണ് ‘ഫിഫ ദ ബെസ്റ്റ്’ പുരസ്‌കാരം ആരംഭിച്ചത്. കഴിഞ്ഞ രണ്ടുവര്‍ഷവും പോളണ്ടിന്റെ റോബര്‍ട്ട് ലെവന്‍ഡോവ്സ്‌കിയായിരുന്നു മികച്ച താരം.
Latest
സി പി എം ഭൂരിപക്ഷ വര്‍ഗീയത ഇളക്കിവിടുന്നു; വിജയരാഘവന്റെ വിവാദ പരാമര്‍ശത്തിനെതിരെ യു ഡി എഫ്
പരീക്ഷാ ചോദ്യപേപ്പര്‍ ചോര്‍ച്ച: ക്രൈം ബ്രാഞ്ച് സംഘം അന്വേഷണം ഊര്‍ജിതമാക്കി
എല്ലാ സാമുദായിക സംഘനടകളുമായും നല്ല ബന്ധം; തിരഞ്ഞെടുപ്പിന് മുമ്പ് പാര്‍ട്ടിയെ ശക്തിപ്പെടുത്തണം; ചെന്നിത്തല
കേരള യുവജന സമ്മേളനം; ഐക്യദാര്‍ഢ്യ സംഗമം പ്രൗഢമായി
ഷാര്‍ജയില്‍ നിന്ന് യൂറോപ്പിലേക്ക് കൂടുതല്‍ സര്‍വീസുകള്‍
ഇസ്‌റാഈല്‍ ആക്രമണത്തില്‍ പാദങ്ങളും കൈയും നഷ്ടപ്പെട്ടു; ഫലസ്തീന്‍ ബാലന് കൃത്രിമ അവയവങ്ങള്‍ നല്‍കി ശൈഖ് ഹംദാന്‍
