Ongoing News
ആദ്യം മെസി, പിന്നെ അല്‍വാരസ്; അര്‍ജന്റീന ക്വാര്‍ട്ടറില്‍
ലയണല്‍ മെസിയുടെ ഇന്ദ്രജാലം വിരിയുന്ന കാലുകളില്‍ നിന്ന് അര്‍ജന്റീനയുടെ ആദ്യ ഗോള്‍ പിറന്നപ്പോള്‍ പിന്നീട് യുവതാരം ജൂലിയന്‍ അല്‍വാരസും സ്‌കോര്‍ ചെയ്തു.
ദോഹ | ആക്രമണവും പ്രതിരോധവും ഒരുപോലെ ശക്തമാക്കി ലയേണല്‍ സ്‌കലോനിയുടെ നീലത്തിരമാലകള്‍ ആഞ്ഞടിച്ചപ്പോള്‍ ആസ്‌ത്രേലിയക്ക് വലുതായിട്ടൊന്നും ചെയ്യാനായില്ല. ലോകകപ്പ് പ്രീക്വാര്‍ട്ടറില്‍ ഒന്നിനെതിര രണ്ടു ഗോളിന്റെ വിജയവുമായി അര്‍ജന്റീന ക്വാര്‍ട്ടറില്‍ പ്രവേശിച്ചു. ടീമിന്റെ തുരുപ്പുശീട്ട് ലയണല്‍ മെസിയുടെ ഇന്ദ്രജാലം വിരിയുന്ന കാലുകളില്‍ നിന്ന് അര്‍ജന്റീനയുടെ ആദ്യ ഗോള്‍ പിറന്നപ്പോള്‍ പിന്നീട് യുവതാരം ജൂലിയന്‍ അല്‍വാരസും സ്‌കോര്‍ ചെയ്തു.
ലോകകപ്പില്‍ അര്‍ജന്റീനക്കായി ഏറ്റവും കൂടുതല്‍ ഗോള്‍ നേടുന്ന താരമെന്ന റെക്കോര്‍ഡ് പ്രീ ക്വാര്‍ട്ടറിലെ ഗോളോടെ മെസി സ്വന്തം പേരിലാക്കി. ഇതിഹാസ താരം മറഡോണയെ മറികടന്നാണ് മെസി ഗോള്‍ വേട്ടയില്‍ മുന്നിലെത്തിയത്. പ്രൊഫഷണല്‍ കരിയറില്‍ മെസിയുടെ ആയിരാമത്തെ മത്സരമായിരുന്നു ഇത്. ഡിസംബര്‍ ഒമ്പതിന് നടക്കുന്ന ക്വാര്‍ട്ടര്‍ ഫൈനലില്‍ നെതര്‍ലന്‍ഡ്‌സിനെയാണ് അര്‍ജന്റീന നേരിടേണ്ടത്. ലുസെയ്ല്‍ സ്റ്റേഡിയത്തിലാണ് മത്സരം. ആദ്യ പ്രീക്വാര്‍ട്ടറില്‍ യു എസ് എയെ ഒന്നിനെതിരെ മൂന്നു ഗോളുകള്‍ക്ക് തോല്‍പ്പിച്ചാണ് നെതര്‍ലന്‍ഡ്‌സ് ക്വാര്‍ട്ടറിലെത്തിയത്.
35ാം മിനുട്ടില്‍ മെസി മാജിക്കില്‍ അര്‍ജന്റീനയുടെ ആദ്യ ഗോളെത്തിയത്. ബോക്‌സിന്റെ വലതുവിങില്‍ നിന്ന് ലഭിച്ച പാസ് സ്വീകരിച്ച് ഇടതുകാല്‍ കൊണ്ട് നടത്തിയ മനോഹരമായ പ്ലേസിംഗ് ഷോട്ടിലൂടെയാണ് മെസി ടീമിനെ മുന്നിലെത്തിച്ചത്. രണ്ടാം പകുതിയില്‍ ആസ്‌ത്രേലിയന്‍ ഗോളി മാറ്റ് റയാന്‍ വരുത്തിയ വന്‍ പിഴവില്‍ നിന്ന് ജൂലിയന്‍ ആല്‍വാരസ് രണ്ടാം ഗോള്‍ അര്‍ജന്റീനയുടെ രണ്ടാം ഗോള്‍ കണ്ടെത്തി.
പിന്നീട് പൊരുതിക്കളിച്ച ആസ്‌ത്രേലിയ 77ാം മിനുട്ടില്‍ ഒരു ഗോള്‍ മടക്കി. പകരക്കാരനായി ഇറങ്ങിയ ക്രെയ്ഗ് അലക്‌സാണ്ടര്‍ ഗുഡ്വിന്‍ ആണ് സ്‌കോര്‍ ചെയ്തത്. ഡിസംബര്‍ ഒന്‍പതിന് ലുസെയ്ല്‍ സ്റ്റേഡിയത്തില്‍ നടക്കുന്ന ക്വാര്‍ട്ടര്‍ പോരാട്ടത്തില്‍ അര്‍ജന്റീന നെതര്‍ലന്‍ഡ്‌സിനെ നേരിടും.
Latest
നമ്മള്‍ ഇന്ത്യക്ക് പുറത്തുള്ളവരാണോ, പുറന്തള്ളപ്പെടേണ്ടവരാണോ; കേന്ദ്ര അവഗണനക്കെതിരെ മുഖ്യമന്ത്രി
ദുരിതാശ്വാസം: വയനാട്ടില്‍ ചൊവ്വാഴ്ച എല്‍ ഡി എഫ്, യു ഡി എഫ് ഹര്‍ത്താല്‍
മണ്ഡലകാല പൂജ; ശബരിമല നട തുറന്നു
വയനാട് ദുരന്തം: കേന്ദ്ര അവഗണനക്കെതിരെ സി പി ഐ നവംബര്‍ 21ന് പ്രതിഷേധ മാര്‍ച്ചുകള്‍ സംഘടിപ്പിക്കും
2018ല്‍ പാലക്കാട് വീട് വാങ്ങി; ഈ വീടിന്റെ പേരില്‍ വോട്ടര്‍ ഐ ഡിക്ക് അപേക്ഷിച്ചാല്‍ എന്താണ് തെറ്റെന്ന് സരിന്‍
പ്രധാനമന്ത്രിയുടെ വിമാനത്തിന് സാങ്കേതികത്തകരാര്‍; ഡല്‍ഹിയിലേക്കുള്ള തിരിച്ചുപോക്ക് വൈകും
