മുതലപ്പൊഴിയിലെ അപകടത്തിൽ മത്സ്യത്തൊഴിലാളി മരിച്ചു

തിരുവനന്തപുരം | മുതലപ്പൊഴിയിൽ വീണ്ടും അപകടം. ശക്തമായ തിരയിൽ വള്ളത്തിലിടിച്ച് പരുക്കേറ്റ മത്സ്യത്തൊഴിലാളി മരിച്ചു. പുതുക്കുറിച്ചി സ്വദേശി നൗഫലാണ് മരിച്ചത്.

ഇന്ന് രാവിലെയായിരുന്നു അപകടം. പരുക്കേറ്റ നൗഫലിനെ മെഡി. കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബോട്ടുകൾ സ്ഥിരം അപകടത്തിൽ പെടുന്ന സ്ഥലമാണ് മുതലപ്പൊഴി. മത്സ്യത്തൊഴിലാളികൾ നിരവധി തവണ ഇവിടെ പ്രതിഷേധിച്ചിട്ടുണ്ട്.