Kerala
ഡ്രഡ്ജിംഗ് കാര്യക്ഷമമാക്കാതെ പൊഴി മുറിക്കാന്‍ അനുവദിക്കില്ല; മുതലപ്പൊഴിയില്‍ പ്രതിഷേധവുമായി മത്സ്യത്തൊഴിലാളികള്‍
മണല്‍ അടിഞ്ഞ് കൂടി മുതലപ്പൊഴിയില്‍ മത്സ്യബന്ധനം നടക്കാത്ത സാഹചര്യത്തിലാണ് മത്സ്യത്തൊഴിലാളികള്‍ സമരം ആരംഭിച്ചത്.
തിരുവനന്തപുരം| മണല്‍ അടിഞ്ഞു കൂടിയ മുതലപ്പൊഴിയില്‍ പ്രതിഷേധവുമായി മത്സ്യത്തൊഴിലാളികള്‍. പൊഴി മുറിക്കാന്‍ എത്തിയ ഉദ്യോഗസ്ഥരെ മത്സ്യത്തൊഴിലാളികള്‍ തടഞ്ഞു. പോലീസ് സ്ഥലത്തെത്തി. ഡ്രഡ്ജിംഗ് കാര്യക്ഷമമാക്കാതെ പൊഴി മുറിക്കാന്‍ അനുവദിക്കില്ലെന്ന് തൊഴിലാളികള്‍ പറഞ്ഞു. ഹാര്‍ബര്‍ എഞ്ചിനിയറിംഗ് അസിസ്റ്റന്റ് എക്‌സിക്യൂട്ടീവ് എഞ്ചിനിയര്‍ സമരക്കാരുമായി ചര്‍ച്ച നടത്തും. മണല്‍ അടിഞ്ഞ് കൂടി മുതലപ്പൊഴിയില്‍ മത്സ്യബന്ധനം നടക്കാത്ത സാഹചര്യത്തിലാണ് മത്സ്യത്തൊഴിലാളികള്‍ സമരം ആരംഭിച്ചത്.
സര്‍ക്കാര്‍ മത്സ്യത്തൊഴിലാളികളുമായി നടത്തിയ ചര്‍ച്ചയിലാണ് ഡ്രഡ്ജിംഗ് വേഗത്തിലാക്കാന്‍ തീരുമാനിച്ചത്. പൊഴിമുറിക്കല്‍ പ്രവര്‍ത്തി ഏകോപിപ്പിക്കാന്‍ കലക്ടര്‍ക്ക് ചുമതലയും നല്‍കി. പൊഴി മുറിച്ചില്ലെങ്കില്‍ അഞ്ചു പഞ്ചായത്തുകളില്‍ വെള്ളം കയറുമെന്ന അവസ്ഥ വന്നതോടെയാണ് സര്‍ക്കാര്‍ മുന്നോട്ടുപോകുന്നത്. എന്നാല്‍ സര്‍ക്കാര്‍ തീരുമാനം മുതലപ്പൊഴിയില്‍ ചേര്‍ന്ന തൊഴിലാളികളുടെ യോഗം തള്ളിക്കളഞ്ഞു. പൊഴി മുറിക്കാനെത്തിയാല്‍ തടയാനാണ് തീരുമാനമെന്ന് മത്സ്യത്തൊഴിലാളികള്‍ നേരത്തെ അറിയിച്ചിരുന്നു.
Latest
കെ സുധാകരനെ മറികടന്ന് ഹൈപ്പവര്‍ കമ്മിറ്റിക്ക് നീക്കം
കാനഡയില്‍ ബസ് സ്റ്റോപ്പില്‍ നില്‍ക്കുകയായിരുന്ന ഇന്ത്യന്‍ വിദ്യാര്‍ത്ഥിനി വെടിയേറ്റ് മരിച്ചു; അന്വേഷണം ആരംഭിച്ചു
കണ്ണൂര്‍ സര്‍വകലാശാല ചോദ്യപേപ്പര്‍ ചോര്‍ച്ച: ക്രമക്കേട് കണ്ടെത്തിയ കോളജിലെ പരീക്ഷ മാത്രം റദ്ദാക്കാന്‍ തീരുമാനം
ഇഗ്‌നൊ പ്രൊഫസറെ കൈയേറ്റം ചെയ്‌തെന്ന് പരാതി; സൈനികര്‍ക്കെതിരെ അന്വേഷണത്തിന് ഉത്തരവിട്ട് കരസേന
ശക്തമായ മഴ: ഡല്‍ഹിയിലെ മുസ്തഫാബാദില്‍ കെട്ടിടം തകര്‍ന്നു വീണു; നാലു മരണം
കൊല്ലം നഗരത്തില്‍ വന്‍ ലഹരി വേട്ട
