കളമശ്ശേരിയിൽ ചികിത്സയിലുള്ള അഞ്ച് വിദ്യാര്‍ഥികള്‍ക്കും മസ്തിഷ്‌കജ്വരം 

കൊച്ചി | കളമശ്ശേരിയില്‍ അഞ്ച് വിദ്യാര്‍ഥികള്‍ക്ക് മസ്തിഷ്‌കജ്വരം സ്ഥിരീകരിച്ചു. രോഗലക്ഷണങ്ങളോടെ ചികിത്സയില്‍ കഴിഞ്ഞ കുട്ടികള്‍ക്കാണ് രോഗബാധ സ്ഥിരീകരിച്ചത്. പരിശോധനക്കയച്ച അഞ്ച് വിദ്യാര്‍ഥികളുടെയും ഫലം പോസിറ്റീവാണ്. വിദ്യാര്‍ഥികളുടെ ആരോഗ്യനില തൃപ്തികരമാണെന്ന് ആരോഗ്യ വകുപ്പ് അിയിച്ചു.

എന്‍ ഐ വി ആലപ്പുഴയിലെ പരിശോധനയിലാണ് രോഗം സ്ഥിരീകരിച്ചത്. രോഗ ലക്ഷണങ്ങളെ തുടര്‍ന്ന് വിദ്യാര്‍ഥികള്‍ വിവിധ സ്വകാര്യ ആശുപത്രികളില്‍ ചികിത്സയിലായിരുന്നു. സ്രവ പരിശോധനയിലാണ് വിദ്യാര്‍ഥികളുടെ ഫലം പോസിറ്റീവായത്. ഇവരെല്ലാം കളമശ്ശേരിയിലെ സ്‌കൂളിലെ വിദ്യാര്‍ഥികളാണ്.രോഗബാധയെ തുടര്‍ന്ന് സ്‌കൂളിന്റെ പ്രവര്‍ത്തനം താത്കാലികമായി നിര്‍ത്തിവെച്ചിരുന്നു.