കോമ്പസ്‌കൊണ്ട് മുറിവേല്‍പ്പിച്ചു,സ്വകാര്യ ഭാഗങ്ങളില്‍ ഡംബല്‍ തൂക്കി; അതിക്രൂര റാഗിങ്ങില്‍ അഞ്ച് വിദ്യാര്‍ഥികള്‍ക്കെതിരെ കേസ്

കോട്ടയം \  ഗാന്ധിനഗര്‍ സ്‌കൂള്‍ ഓഫ് നഴ്‌സിംഗില്‍ അതിക്രൂര റാഗിംഗ്. ഒന്നാം വര്‍ഷ വിദ്യാര്‍ഥികളെ മൂന്നാം വര്‍ഷ വിദ്യാര്‍ഥികള്‍ റാഗ് ചെയ്തതായാണ് പരാതി.

സീനിയര്‍ വിദ്യാര്‍ഥികള്‍ കോമ്പസ് ഉപയോഗിച്ച് മുറിവേല്‍പ്പിക്കുകയും സ്വകാര്യ ഭാഗങ്ങളില്‍ ഡംബല്‍ തൂക്കുകയും ചെയ്തതായി പരാതിയില്‍ പറയുന്നു. മൂന്ന് മാസത്തോളം പീഡനങ്ങള്‍ തുടര്‍ന്നുവെന്നും പരാതിയിലുണ്ട്. ഒന്നാം വര്‍ഷ വിദ്യാര്‍ഥികളുടെ പരാതിയില്‍ മൂന്നാം വര്‍ഷ വിദ്യാര്‍ത്ഥികളായ അഞ്ച് പേര്‍ക്കെതിരെ ഗാന്ധിനഗര്‍ പോലീസ് കേസെടുത്തു. സംഭവത്തില്‍ വിശദമായ അന്വേഷണം നടത്തുമെന്ന് പോലീസ് അറിയിച്ചു.