ബംഗ്ലാദേശിലേക്കുള്ള വിമാനങ്ങള്‍ റദ്ദാക്കി

ദുബൈ | ബംഗ്ലാദേശിലെ ആഭ്യന്തര കലാപത്തെ തുടര്‍ന്ന് എമിറേറ്റ്‌സ് ധാക്കയിലേക്കുള്ള വിമാനങ്ങള്‍ റദ്ദാക്കി. ആഗസ്റ്റ് അഞ്ച്, ആറ് തീയതികളിലെ വിമാനങ്ങളാണ് റദ്ദാക്കിയത്.

ധാക്കയിലേക്കുള്ള ഫ്‌ളൈറ്റുകളില്‍ കണക്റ്റ് ചെയ്യുന്ന ഉപഭോക്താക്കളെ അവരുടെ ഉത്ഭവസ്ഥാനത്ത് യാത്ര ചെയ്യാന്‍ സ്വീകരിക്കില്ല. സ്ഥിതിഗതികള്‍ സൂക്ഷ്മമായി നിരീക്ഷിച്ചുവരികയാണെന്ന് എയര്‍ലൈന്‍സ് അറിയിച്ചു.

അതേസമയം, യു എ ഇയിലുള്ള പൗരന്മാരോട് വളരെ സംയമനം കാണിക്കാനും പ്രാദേശിക നിയമങ്ങള്‍ പാലിക്കാനും ബംഗ്ലാദേശി മിഷനുകള്‍ ഉപദേശിച്ചു. അബൂദബിയിലെ ബംഗ്ലാദേശ് എംബസിയും ദുബൈയിലെ കോണ്‍സുലേറ്റ് ജനറലുമാണ് ഉപദേശം പുറപ്പെടുവിച്ചത്.