ആരോപണങ്ങൾക്ക് പിന്നാലെ പി വി അൻവർ എം എൽ എ ഇന്ന് മുഖ്യമന്ത്രിയെ കാണും

മലപ്പുറം | മുഖ്യമന്ത്രി വഹിക്കുന്ന ആഭ്യന്തര വകുപ്പിനെ കടുത്ത പ്രതിസന്ധിയിലാക്കുന്ന ആരോപണങ്ങൾക്ക് പിന്നാലെ പി വി അൻവർ എം എൽ എ ഇന്ന് മുഖ്യമന്ത്രി പിണറായി വിജയനെ കണ്ടേക്കും. ഇന്ന് ഉച്ചക്കായിരിക്കും കൂടിക്കാഴ്ച. ഉന്നയിച്ച ആരോപണങ്ങൾ സംബന്ധിച്ച് വിശദമായ പരാതി അൻവർ മുഖ്യമന്ത്രിക്ക് കൈമാറും.

പൊലീസ് ഉദ്യോഗസ്ഥരായ സുജിത് ദാസിനും അജിത് കുമാറിനുമെതിരെ ഗുരുതര ആരോപണങ്ങളാണ് പിവി അൻവർ കഴിഞ്ഞ ദിവസങ്ങളിൽ ഉന്നയിച്ചത്. ഇതുസംബന്ധിച്ച വിശമായ വിവരങ്ങൾ അൻവർ മുഖ്യമന്ത്രിയെ അറിയിക്കാനാണ് സാധ്യത.

മന്ത്രി വി. അബ്ദുറഹ്മാൻ, കെ.ടി ജലീൽ എംഎൽഎ എന്നിവരും മുഖ്യമന്ത്രിയെ കാണുമെന്ന് സൂചനയുണ്ട്.