National
മധ്യപ്രദേശ് മുന്‍ മുഖ്യമന്ത്രി കമല്‍നാഥും മകനും ബി ജെ പി യില്‍ ചേര്‍ന്നേക്കുമെന്ന് സൂചന
മഹാരാഷ്ട്ര മുന്‍ മുഖ്യമന്ത്രി അശോക് ചവാന്‍ കോണ്‍ഗ്രസ് വിട്ട് ബി ജെ പി യിലെത്തിയതിന് പിന്നാലെയാണ് പുതിയ നീക്കം.
മധ്യപ്രദേശ് മുൻ മുഖ്യമന്ത്രി കമൽനാഥും മകൻ നകുൽ നാഥും പ്രധാനമന്ത്രി നരേന്ദ്ര മോദിക്കൊപ്പം - ഫയൽ ചിത്രം
ന്യൂഡല്‍ഹി | കോണ്‍ഗ്രസിന് കനത്ത തിരിച്ചടിയായി മധ്യപ്രദേശ് മുന്‍ മുഖ്യമന്ത്രി കമല്‍നാഥും മകനും കോണ്‍ഗ്രസ് എം പി യുമായ നകുല്‍ നാഥും ബി ജെ പി യില്‍ ചേര്‍ന്നേക്കുമെന്ന് സൂചന. എന്നാല്‍ കമല്‍ നാഥും നകുല്‍ നാഥും ഇത് വരെ ഔദ്യോഗികമായി പ്രതികരിച്ചിട്ടില്ല.
കമല്‍ നാഥിന്റെ മുന്‍ മാധ്യമ ഉപദേഷ്ടാവും ബി ജെ പി വക്താവുമായ നരേന്ദ്ര സലൂജ സോഷ്യല്‍ മീഡിയയില്‍ കമല്‍നാഥിന്റെയും മകന്റെയും ഒപ്പമുള്ള ഫോട്ടോ ജയ്ശ്രീറാം എന്ന അടിക്കുറിപ്പോടെ പോസ്റ്റ് ചെയ്തിരുന്നു. ഇതോടെയാണ് ഇവര്‍ ബി ജെ പി യില്‍ ചേര്‍ന്നേക്കുമെന്ന അഭ്യൂഹം ശക്തമായത്. ഇതിനിടെ കോണ്‍ഗ്രസ് എം പി കൂടിയായ നകുല്‍ നാഥ് തന്റെ എക്‌സ് അക്കൗണ്ടിലെ ബയോയില്‍ നിന്ന് കോണ്‍ഗ്രസ് എന്നെഴുതിയത് നീക്കം ചെയ്തു.
മഹാരാഷ്ട്ര മുന്‍ മുഖ്യമന്ത്രി അശോക് ചവാന്‍ കോണ്‍ഗ്രസ് വിട്ട് ബി ജെ പി യിലെത്തിയതിന് പിന്നാലെയാണ് പുതിയ നീക്കം. കമല്‍നാഥും നകുല്‍ നാഥും ഇന്ന് ഡല്‍ഹിലെത്തുമെന്നും റപ്പോര്‍ട്ടുകളുണ്ട്. തിങ്കളാഴ്ച ബി ജെ പി നേതാക്കളെ കാണുമെന്നാണ് അഭ്യൂഹം.
Latest
സി പി ഐ ബ്രാഞ്ച് സെക്രട്ടറിയെ പാര്‍ട്ടി പുറത്താക്കി
വടകര കാഫിര്‍ സ്‌ക്രീന്‍ ഷോട്ട്: ഈമാസം 25നകം റിപോര്‍ട്ട് സമര്‍പ്പിക്കണമെന്ന് പോലീസിനോട് കോടതി
പാരമ്പര്യമാണ് ഇസ്‌ലാമിന്റെ ആത്മാവ്: ഇന്ത്യന്‍ ഗ്രാന്‍ഡ് മുഫ്തി
മദ്യപന്‍ ഓടിച്ച കാറിടിച്ചു; രണ്ട് കാല്‍നടയാത്രക്കാര്‍ മരിച്ചു
നഴ്സിംഗ് വിദ്യാര്‍ഥിയുടെ മരണം: സഹപാഠികളെ റിമാന്‍ഡ് ചെയ്തു
പ്രശസ്ത സാഹിത്യകാരന്‍ ഓംചേരി എന്‍ എന്‍ പിള്ള അന്തരിച്ചു
