International
ജി20 ഉച്ചകോടി: സഊദി കിരീടാവകാശി മുഹമ്മദ് ബിന്‍ സല്‍മാന്‍ എത്തി
തിങ്കളാഴ്ച വരെ ഇന്ത്യയില്‍ തുടരുന്ന മുഹമ്മദ് ബിന്‍ സല്‍മാന്‍ പ്രസിഡന്റ് ദ്രൗപതി മുര്‍മുവിനെയും സന്ദര്‍ശിക്കും.
ന്യൂഡല്‍ഹി| സഊദി അറേബ്യയുടെ കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ ബിന്‍ അബ്ദുല്‍ അസീസ് ജി 20 യിലേക്കുള്ള സഊദി പ്രതിനിധി സംഘത്തെ നയിക്കാന്‍ ഇന്ത്യയിലെത്തിയതായി റിപ്പോര്‍ട്ട്. ഇന്ന് രാവിലെയാണ് അദ്ദേഹം ഡല്‍ഹിയില്‍ വിമാനമിറങ്ങിയത്. ശനിയാഴ്ചയും ഞായറാഴ്ചയുമായി ഡല്‍ഹിയില്‍ നടക്കുന്ന ഉച്ചകോടിയില്‍ ലോകത്തിന്റെ വിവിധ ഭാഗങ്ങളില്‍നിന്നുള്ള രാഷ്ട്രനേതാക്കള്‍ എത്തിച്ചേര്‍ന്നിട്ടുണ്ട്. തിങ്കളാഴ്ച വരെ ഇന്ത്യയില്‍ തുടരുന്ന മുഹമ്മദ് ബിന്‍ സല്‍മാന്‍ പ്രസിഡന്റ് ദ്രൗപതി മുര്‍മുവിനെയും സന്ദര്‍ശിക്കും.
ഉച്ചകോടിയില്‍ വിവിധ വിഷയങ്ങള്‍ ഉള്‍ക്കൊള്ളുന്ന ചര്‍ച്ചകളില്‍ സഊദി അറേബ്യയുടെ കിരീടാവകാശിയും പങ്കെടുക്കും. കൂടാതെ, സഊദി-ഇന്ത്യന്‍ സ്ട്രാറ്റജിക് പാര്‍ട്ണര്‍ഷിപ്പ് കൗണ്‍സിലിന്റെ പ്രധാന യോഗവും അജണ്ടയിലുണ്ട്. ഇന്ത്യ-സഊദി വ്യാപാര ബന്ധങ്ങള്‍ സന്ദര്‍ശനം കാരണം ശക്തിപ്പെടുമെന്നാണ് വിലയിരുത്തല്‍. നേരത്തെ 2019 ഫെബ്രുവരിയില്‍ കിരീടാവകാശി ഇന്ത്യ സന്ദര്‍ശിച്ചിരുന്നു.
Latest
നമ്മള്‍ ഇന്ത്യക്ക് പുറത്തുള്ളവരാണോ, പുറന്തള്ളപ്പെടേണ്ടവരാണോ; കേന്ദ്ര അവഗണനക്കെതിരെ മുഖ്യമന്ത്രി
ദുരിതാശ്വാസം: വയനാട്ടില്‍ ചൊവ്വാഴ്ച എല്‍ ഡി എഫ്, യു ഡി എഫ് ഹര്‍ത്താല്‍
മണ്ഡലകാല പൂജ; ശബരിമല നട തുറന്നു
വയനാട് ദുരന്തം: കേന്ദ്ര അവഗണനക്കെതിരെ സി പി ഐ നവംബര്‍ 21ന് പ്രതിഷേധ മാര്‍ച്ചുകള്‍ സംഘടിപ്പിക്കും
2018ല്‍ പാലക്കാട് വീട് വാങ്ങി; ഈ വീടിന്റെ പേരില്‍ വോട്ടര്‍ ഐ ഡിക്ക് അപേക്ഷിച്ചാല്‍ എന്താണ് തെറ്റെന്ന് സരിന്‍
പ്രധാനമന്ത്രിയുടെ വിമാനത്തിന് സാങ്കേതികത്തകരാര്‍; ഡല്‍ഹിയിലേക്കുള്ള തിരിച്ചുപോക്ക് വൈകും
