പാലക്കാട് ഫുട്ബോൾ മത്സരത്തിനിടെ ഗ്യാലറി തകർന്നു വീണു; 70 പേര്‍ക്ക് പരുക്ക്

പാലക്കാട്| പാലക്കാട് വല്ലപ്പുഴയില്‍ ഫുട്‌ബോള്‍ മത്സരത്തിനിടെ ഗ്യാലറി തകര്‍ന്നു വീണു അപകടം. അപകടത്തില്‍ 70 ഓളം പേര്‍ക്ക് പരുക്കേറ്റു. രണ്ട് പേരുടെ നില ഗുരുതരമാണ്. ഇന്നലെ രാത്രി പത്തരയോടെയാണ് അപകടമുണ്ടായത്.

അഖിലേന്ത്യ സെവന്‍സ് ഫുട്ബോള്‍ മത്സരത്തിന്റെ ഫൈനല്‍ നടക്കുന്നതിനിടെയാണ് കാണികള്‍ ഇരുന്ന ഗ്യാലറി തകര്‍ന്നു വീണത്. പിന്നാലെ കാണികള്‍ ചാടി രക്ഷപ്പെടുകയായിരുന്നു. ഫൈനല്‍ മത്സരം കാണാന്‍ പരിധിയില്‍ കൂടുതല്‍ പേര്‍ എത്തിയതാണ് അപകടത്തിന് കാരണമായതെന്നാണ് സൂചന.

മത്സരത്തിന്റെ സംഘാടകരായ കനിവ് സാംസ്‌കാരിക വേദിക്കെതിരെ പോലീസ് കേസെടുത്തു. പരുക്കേറ്റവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.