Ongoing News
ഖാലിദിയയിലെ ഹോട്ടലില്‍ ഗ്യാസ് പൊട്ടിത്തെറിച്ചു; നിരവധി പേര്‍ക്ക് പരുക്ക്
ഷൈനിംഗ് ടവേഴ്സ് കെട്ടിടത്തിന് സമീപം ഉച്ചക്ക് ഒന്നോടെയാണ് അപകടമുണ്ടായതെന്ന് സമീപവാസികള്‍ പറഞ്ഞു.
അബൂദബി | അബൂദബി നഗരത്തില്‍ ഖാലിദിയ ഭാഗത്ത് പ്രവര്‍ത്തിക്കുന്ന ഹോട്ടലില്‍ ഗ്യാസ് പൊട്ടിത്തെറിച്ച് നിരവധി പേര്‍ക്ക് പരുക്കേറ്റതായി പോലീസ് അറിയിച്ചു. ഷൈനിംഗ് ടവേഴ്സ് കെട്ടിടത്തിന് സമീപം ഉച്ചക്ക് ഒന്നോടെയാണ് അപകടമുണ്ടായതെന്ന് സമീപവാസികള്‍ പറഞ്ഞു. സമീപത്തെ കെട്ടിടത്തില്‍ താമസിക്കുന്നവരെ ഒഴിപ്പിച്ചത് കൂടാതെ ഈ പ്രദേശത്തേക്കുള്ള റോഡുകള്‍ പോലീസ് അടച്ചു. റെസ്റ്റോറന്റിന് മുന്നില്‍ പാര്‍ക്ക് ചെയ്തിരുന്ന വാഹനങ്ങള്‍ക്ക് കേടുപാട് സംഭവിച്ചതായും നാല് റെസിഡന്‍ഷ്യല്‍ കെട്ടിടങ്ങള്‍ ഒഴിപ്പിച്ചതായും പോലീസ് പറഞ്ഞു. അപകടവിവരം അറിഞ്ഞ ഉടനെ സംഭവസ്ഥലത്തേക്ക് എത്തിയതായി അബൂദബി പോലീസും സിവില്‍ ഡിഫന്‍സും ട്വീറ്റ് ചെയ്തു. കെട്ടിടങ്ങള്‍ പൂര്‍ണമായും സുരക്ഷിതമാക്കുന്നത് വരെ താത്കാലിക ഭവനങ്ങള്‍ ഒരുക്കുന്നതിനുള്ള ജോലികള്‍ പുരോഗമിക്കുകയാണ്.
ഉച്ചഭക്ഷണ സമയത്ത് രണ്ട് വലിയ ശബ്ദങ്ങള്‍ കേട്ടതായി അടുത്തുള്ള കെട്ടിടത്തില്‍ ജോലി ചെയ്യുന്നയാള്‍ പറഞ്ഞു. ആദ്യത്തെ ശബ്ദം ചെറുതായിരുന്നു. വൈകാതെ ഒരു വലിയ സ്‌ഫോടനം ഉണ്ടായി. ജനാലകള്‍ കുലുങ്ങി, ചില ഓഫീസുകളിലെ ജനാലകള്‍ തകര്‍ന്നതായും അദ്ദേഹം പറഞ്ഞു.
Latest
മഹാരാഷ്ട്രയിലും ഝാര്‍ഖണ്ഡിലും വോട്ടെണ്ണല്‍ തുടങ്ങി
നിയമസഭ തിരഞ്ഞെടുപ്പ്: മഹാരാഷ്ട്രയിലും ഝാര്‍ഖണ്ഡിലും ഇന്ന് വോട്ടെണ്ണല്‍
ചേലക്കരയില്‍ യു ആര്‍ പ്രദീപ് വിജയിച്ചു; നേടിയ വോട്ട് 60,246 ഭൂരിപക്ഷം 12,067
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്‍
ഹജ്ജ് കമ്മിറ്റി അംഗങ്ങളായി; ചെയര്‍മാന്‍ തിരഞ്ഞെടുപ്പ് ഉടന്‍
പെണ്‍മക്കളെ പീഡിപ്പിച്ച കേസില്‍ അച്ഛനെ രാജാക്കാട് പോലീസ് അറസ്റ്റ് ചെയ്തു
