International
ഗസ്സയിലെ സാംസ്‌കാരിക കേന്ദ്രവും സ്‌കൂളും ആക്രമിക്കും; ഇസ്‌റാഈല്‍
ഗസ്സയില്‍ അടിയന്തര മാനുഷിക സഹായങ്ങളുമായി പ്രവര്‍ത്തിക്കുന്ന സന്നദ്ധ കേന്ദ്രമായ റെഡ് ക്രസന്റ് ആസ്ഥാനത്തിനടുത്തും ഇസ്‌റാഈല്‍ ആക്രമണം നടന്നു.
ഗസ്സ സിറ്റി| ഇസ്‌റാഈല്‍ ആക്രമണത്തില്‍ ഗസ്സയില്‍ കൊല്ലപ്പെട്ട ഫലസ്തീനികളുടെ എണ്ണം 8,000 കടന്നിരിക്കുകയാണ്. ഇപ്പോള്‍ ഗസ്സയിലെ സാംസ്‌കാരിക കേന്ദ്രവും സ്‌കൂളും ആക്രമിക്കുമെന്ന് ഇസ്‌റാഈല്‍ മുന്നറിയിപ്പ് നല്‍കിയതായാണ് റിപ്പോര്‍ട്ട്. ഗസ്സ ഭരണകൂടത്തിന്റെ മാധ്യമ വിഭാഗത്തെ ഉദ്ധരിച്ച് ജോര്‍ദാന്‍ ചാനലായ റുഅ്യാ ന്യൂസ് ആണ് ഇക്കാര്യം റിപ്പോര്‍ട്ട് ചെയ്തത്. ഗസ്സയിലുള്ള അറബ് ഓര്‍ത്തഡോക്സ് കള്‍ച്ചറല്‍ ആന്‍ഡ് സോഷ്യല്‍ സെന്ററിനും ഗ്രീക്ക് ഓര്‍ത്തഡോക്സ് പാട്രിയാക്കേറ്റ് സ്‌കൂളിനുമാണ് മുന്നറിയിപ്പ് ലഭിച്ചിരിക്കുന്നത്.
ഇസ്‌റാഈല്‍ ആക്രമണം തുടരുന്ന സാഹചര്യത്തില്‍ രണ്ടുസ്ഥലത്തുമായി നൂറുകണക്കിന് ഫലസ്തീനികള്‍ അഭയം തേടിയിട്ടുണ്ട്. ഓര്‍ത്തഡോക്സ് കള്‍ച്ചറല്‍ സെന്ററില്‍ ആയിരത്തോളം പേരും ഗ്രീക്ക് സ്‌കൂളില്‍ 500ലേറെ പേരും അഭയാര്‍ത്ഥികളായി കഴിയുന്നുണ്ടെന്നാണ് റിപ്പോര്‍ട്ട്. അതിനിടെ, ഗസ്സയില്‍ അടിയന്തര മാനുഷിക സഹായങ്ങളുമായി പ്രവര്‍ത്തിക്കുന്ന സന്നദ്ധ കേന്ദ്രമായ റെഡ് ക്രസന്റ് ആസ്ഥാനത്തിനടുത്തും ഇസ്‌റാഈല്‍ ആക്രമണം നടന്നു. ഇതിനു പുറമെ ഗസ്സയിലെ ആശുപത്രികളെ ലക്ഷ്യമിട്ടും ഇസ്‌റാഈല്‍ ആക്രമണമുണ്ടായി.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
