International
ഗാസ- ഈജിപ്ത് അതിര്‍ത്തിയും അടച്ചു; ലക്ഷ്യം വംശഹത്യ?
23 ലക്ഷം വരുന്ന ഗാസ ജനതക്ക് പുറത്തുപോകാനുള്ള എല്ലാ വഴികളും അടഞ്ഞിരിക്കുകയാണ്.
ഗാസ | ഗാസയില്‍ നിന്ന് ഈജിപ്തിലേക്ക് പോകാനുള്ള റാഫ അതിര്‍ത്തിയും അടച്ചതായി ഇസ്‌റാഈല്‍ സൈന്യം അറിയിച്ചു. ഇതോടെ 23 ലക്ഷം വരുന്ന ഗാസ ജനതക്ക് പുറത്തുപോകാനുള്ള എല്ലാ വഴികളും അടഞ്ഞിരിക്കുകയാണ്. ഇസ്‌റാഈലുമായുള്ള ബെയ്ത് ഹാനൂന്‍ അഥവ ഹെറസ് അതിര്‍ത്തിയാണ് ഇനി ഗാസക്കുള്ളത്. റാഫ അതിര്‍ത്തി ഇന്നലെ തുറന്ന് പ്രവര്‍ത്തിച്ചിരുന്നു.
ആക്രമണത്തില്‍ നിന്ന് രക്ഷപ്പെടാന്‍ ഗാസയിലെ ജനതക്ക് റാഫ അതിര്‍ത്തിയിലേക്ക് പോകാമെന്ന് നേരത്തേ ഇസ്‌റാഈല്‍ പറഞ്ഞിരുന്നു. ഗാസ മുനമ്പിനെ പൂര്‍ണമായും ഉപരോധിക്കാനാണ് ഇസ്‌റാഈല്‍ നീക്കം. ഭക്ഷണം, വെള്ളം, ഇന്ധനം തുടങ്ങിയ യാതൊരു അടിസ്ഥാന ആവശ്യവും ഗാസയിലേക്ക് കൊണ്ടുപോകുന്നത് അനുവദിക്കില്ലെന്ന് ഇസ്‌റാഈലി പ്രതിരോധ മന്ത്രി യോവ് ഗല്ലന്ത് പ്രഖ്യാപിച്ചിരുന്നു.
2007 മുതല്‍ ഇസ്‌റാഈലിന്റെ കര, വ്യോമ, നാവിക ഉപരോധത്തിലാണ് ഗാസ. അതിനിടെ, ശനിയാഴ്ച ഹമാസ് സായുധ സേന തകര്‍ത്ത ഗാസ മതിലിന്റെ നിയന്ത്രണം പൂര്‍ണമായും ഏറ്റെടുത്തെന്ന് ഇസ്‌റാഈലി സൈന്യം അറിയിച്ചു.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
