ഗ്ലോക്കോമ; കാഴ്ച നഷ്ടപ്പെടുത്താതെ സൂക്ഷിക്കുക

ശരീരത്തിലെ ഏറ്റവും പ്രധാന അവയവങ്ങളിലൊന്നായ കണ്ണിനെ  ബാധിക്കുന്ന അസുഖങ്ങളിലൊന്നാണ് ഗ്ലോക്കോമ. മങ്ങിയ കാഴ്ച , അല്ലെങ്കില്‍ വസ്തുക്കളെ രണ്ടായി കാണുക ,കണ്ണിന് വേദന അല്ലെങ്കില്‍ സമ്മർദ്ദം  അനുഭവപ്പെടുക , ഓക്കാനം, ഛർദ്ദി,  കണ്ണിൻ്റെ ചുവപ്പ് , വെളിച്ചത്തിലേക്ക് നോക്കുമ്പോള്‍ തീക്ഷ്ണമായ അസ്വസ്ഥത എന്നിവയാണ് രോഗലക്ഷണങ്ങള്‍ . അവണിച്ചാല്‍ കാഴ്ച നടപ്പെടാന്‍ കാരണമായേക്കാവുന്ന രോഗമാണ് ഗ്ലോക്കോമ. നോക്കാം അഞ്ചു വ്യത്യസ്ത തരം ഗ്ലോക്കോമകൾ ഏതൊക്കെയെന്ന്.

1. ഏറ്റവും സാധാരണമായി കണ്ടുവരുന്ന ഓപ്പൺ ആംഗിൾ ഗ്ലോക്കോമ
2.  താരതമ്യേന അസാധാരണമായ ആംഗിൾ-ക്ലോഷർ ഗ്ലോക്കോമ
3. . സാധാരണ ടെൻഷൻ ഗ്ലോക്കോമ
4.  പാരമ്പര്യ ഘടകങ്ങള്‍ സ്വാധീനിക്കുന്ന ജന്മനായുള്ള ഗ്ലോക്കോമ
5.  ചില മെഡിക്കൽ അവസ്ഥകള്‍ മൂലമുണ്ടാകുന്ന ദ്വിതീയ ഗ്ലോക്കോമ

എന്തെല്ലാം‌ ഘടകങ്ങളാണ് ഈ അവസ്ഥയിലേക്ക് നയിക്കുന്നതെന്ന് നോക്കാം

• കണ്ണിൻ്റെ വർദ്ധിച്ച മർദ്ദം (ഇൻട്രാക്യുലർ മർദ്ദം)
• കണ്ണിലെ ദ്രാവകം
• ഒപ്റ്റിക് നാഡിക്ക് ക്ഷതം , ചില പാരമ്പര്യ ഘടകങ്ങള്‍
• പ്രായം : 60 വയസ്സിനു മുകളിലുള്ളവര്‍ക്ക് അസുഖ സാദ്ധ്യത കൂടുതലാണ് ,
• കൂടിയ പ്രമേഹം ,
• ഉയർന്ന രക്തസമ്മർദ്ദം
• കണ്ണിന് പരുക്കുകൾ എന്നിങ്ങനെ പല ഘടകങ്ങള്‍ ഗ്ലൂക്കോമയുടെ കാരണങ്ങളാണ്.

കണ്ണിൻ്റെ മർദ്ദം കുറയ്ക്കാനുള്ള തുള്ളിമരുന്നുകള്‍, ഇതേ ആവശ്യത്തിനായുള്ള ഓറൽ മരുന്നുകൾ കണ്ണിലെ നനവ് ക്രമീകരിക്കാനുള്ള ലേസർ ശസ്ത്രക്രിയ , ഇതേ ആവശ്യത്തിനായുള്ള സര്‍ജിക്കല്‍ ഓപ്പറേഷന്‍ , മിനിമലി ഇൻവേസീവ് ഗ്ലോക്കോമ സർജറി (MIGS) , പുതിയ ഡ്രെയിനേജ് ചാനൽ സൃഷ്ടിക്കാനായുള്ള‌ ട്രാബെക്യുലെക്ടമി സര്‍ജറി , എന്നിങ്ങനെ രോഗത്തിന്‍റ സ്വഭാവമനുസരിച്ച് വ്യത്യസ്തമായ ചികിത്സകളുണ്ട്.

ഇതോടൊപ്പം ജീവിതശൈലിയില്‍ ചില മാറ്റങ്ങള്‍ കൂടി സ്വീകരിക്കേണ്ടതുണ്ട്

• പതിവായി നേത്ര പരിശോധന നടത്തണം.‌
• ശരീരഭാരം ആരോഗ്യകരമായ അളവിൽ നിലനിർത്തുക
• പതിവായി വ്യായാമം ചെയ്യുക
• പുകവലി ഉപേക്ഷിക്കുക
• കഫീൻ കഴിക്കുന്നത് പരിമിതപ്പെടുത്തുക
• പൊടിയില്‍ നിന്നും രോഗാണുക്കളില്‍ നിന്നുമുള്ള സംരക്ഷണത്തിനായി
  സംരക്ഷിത കണ്ണട ധരിക്കുക തുടങ്ങി രോഗാവസ്ഥയെ ചെറുക്കാനുതകുന്ന മാര്‍ഗങ്ങള്‍ ശീലിക്കുകയെന്നതും പ്രധാനമാണ് .

ശ്രദ്ധിക്കുക, ചികിത്സിച്ചില്ലെങ്കിൽ കാഴ്ച നഷ്ടപ്പെടാനുള്ള സാദ്ധ്യതയുള്ള രോഗമാണ് ഗ്ലോക്കോമ
അല്ലെങ്കിൽ വേദനയോ അസ്വസ്ഥത സ്ഥിരമായി നിലനില്‍ക്കും‌. കണ്ണിന് സ്ഥിരമായി ചുവപ്പ് നിറമോ അല്ലെങ്കിൽ വീക്കമോ അനുഭവപ്പെട്ടെക്കാം.

1.  സ്റ്റെം സെൽ തെറാപ്പി
2.  ജീൻ തെറാപ്പി
3.  പുതിയ ശസ്ത്രക്രിയാ വിദ്യകൾ (ഉദാ. MIGS)
4.  വിപുലമായ ഡയഗ്നോസ്റ്റിക് ടൂളുകൾ (ഉദാ. ഒപ്റ്റിക്കൽ കോഹറൻസ് ടോമോഗ്രഫി) തുടങ്ങി പുതിയ ഗവേഷണങ്ങള്‍ നടക്കുന്നുമുണ്ട്.

ഗ്ലോക്കോമ കാരണം കാഴ്ച നഷ്ടപ്പെടുന്നത് തടയാൻ നേരത്തെയുള്ള കണ്ടെത്തലും ചികിത്സയും നിർണായകമാണെന്ന് ഓർമ്മിക്കുക. പതിവ് നേത്ര പരിശോധനകള്‍ അത്യാവശ്യമാണ്.