Business
മെയ് 19 വരെയുള്ള എല്ലാ ഫ്‌ളൈറ്റുകളും റദ്ദാക്കി ഗോ ഫസ്റ്റ്
ടിക്കറ്റ് ബുക്കിംഗും വില്‍പനയും നിര്‍ത്താന്‍ ഗോ ഫസ്റ്റിനോട് വ്യോമയാന ഡയറക്ടര്‍ ജനറല്‍ ആവശ്യപ്പെട്ടിട്ടുണ്ട്.
ന്യൂഡല്‍ഹി| സാമ്പത്തിക പ്രതിസന്ധി നേരിടുന്ന ഗോ ഫസ്റ്റ് എയര്‍ലൈന്‍ മെയ് 19 വരെ എല്ലാ വിമാന സര്‍വീസുകളും റദ്ദാക്കി. നേരത്തെ, മെയ് 12 വരെയുള്ള എല്ലാ ഫ്‌ളൈറ്റുകളും ഗോ ഫസ്റ്റ് റദ്ദാക്കിയിരുന്നു. ഫ്‌ളൈറ്റ് സര്‍വീസ് റദ്ദാക്കിയതിനാല്‍ യാത്രക്കാര്‍ക്കുണ്ടായ അസൗകര്യത്തില്‍ എയര്‍ലൈന്‍ ക്ഷമ ചോദിച്ചു.
യാത്രാ തടസ്സം നേരിട്ടവര്‍ക്ക് മുഴുവന്‍ പണവും നല്‍കുമെന്ന് എയര്‍ലൈന്‍ വ്യക്തമാക്കി. വാഡിയയുടെ ഉടമസ്ഥതയിലുള്ള എയര്‍ലൈന്‍ ഓയില്‍ മാര്‍ക്കറ്റിംഗ് കമ്പനികളുടെ കുടിശ്ശിക തീര്‍പ്പാക്കാത്തതിനാല്‍ മെയ് 3 മുതല്‍ മൂന്ന് ദിവസത്തേക്കാണ് ആദ്യം വിമാന സര്‍വീസുകള്‍ നിര്‍ത്തിവെച്ചിരുന്നത്. പിന്നീട് മെയ് 9 വരെയുള്ള സര്‍വീസുകള്‍ റദ്ദാക്കി. തുടര്‍ന്ന് മെയ് 12 വരെ നീട്ടുകയായിരുന്നു. ഇപ്പോള്‍ മെയ് 19 വരെ എല്ലാ ഫ്‌ളൈറ്റ് സര്‍വീസുകളും റദ്ദാക്കിയിരിക്കുകയാണ്.
ടിക്കറ്റ് ബുക്കിംഗും വില്‍പനയും നിര്‍ത്താന്‍ ഗോ ഫസ്റ്റിനോട് വ്യോമയാന ഡയറക്ടര്‍ ജനറല്‍ ആവശ്യപ്പെട്ടിട്ടുണ്ട്. റദ്ദാക്കിയ വിമാനങ്ങളുടെ ടിക്കറ്റ് റീഫണ്ട് ചെയ്യാനും ഡയറക്ടര്‍ ജനറല്‍ ആവശ്യപ്പെട്ടു.
Latest
ജാമിഅത്തുല്‍ ഹിന്ദിന്റെ ആദ്യ സെമസ്റ്റര്‍ പരീക്ഷ 25ന് ആരംഭിക്കും
'വികസനത്തിന്റെയും സദ്ഭരണത്തിന്റെയും വിജയം'; മഹാരാഷ്ട്രയിലെ വോട്ടര്‍മാര്‍ക്ക് നന്ദി പറഞ്ഞ് പ്രധാനമന്ത്രി
ഭരണ വിരുദ്ധ വികാരമില്ല, ചേലക്കരയിലേത് ഉജ്ജ്വല വിജയം, വര്‍ഗീയതക്കെതിരായ വോട്ട് ഇടതിന് ലഭിച്ചു: മുഖ്യമന്ത്രി
അവകാശവാദങ്ങള്‍ പൊളിഞ്ഞു; എങ്കിലും സാന്നിധ്യമറിയിച്ച് അന്‍വര്‍
കേരളത്തിലെ ഏറ്റവും വലിയ സ്റ്റുഡന്റ്‌സ് അവാര്‍ഡ് പ്രോഗ്രാമുമായി സൈലം
വയനാടിന് പ്രിയങ്കരി; കന്നിയങ്കത്തില്‍ കൂറ്റന്‍ ഭൂരിപക്ഷവുമായി പ്രിയങ്ക
