സംസ്ഥാനത്ത് സ്വര്‍ണ്ണവില 60000ത്തിന് അരികെ

കൊച്ചി|സംസ്ഥാനത്ത് തുടര്‍ച്ചയായ മൂന്നാം ദിനവും സ്വര്‍ണവിലയില്‍ വര്‍ധന. ഇന്നലെ 400 രൂപ ഉയര്‍ന്ന് 59,000 കടന്നിരുന്നു. ഇന്ന് പവന് 480 രൂപയാണ് വര്‍ധിച്ചത്. ഒരു പവന്‍ സ്വര്‍ണത്തിന്റെ ഇന്നത്തെ വില 59,600 രൂപയാണ്. 2024 ഒക്ടോബറില്‍ പവന് 59,640 രൂപ വരെ എത്തിയിരുന്നു വില. പിന്നീട് സ്വര്‍ണവില കുറയുകയായിരുന്നു.

വരും ദിവസങ്ങളിലും സ്വര്‍ണ വില ഉയരാനാണ് സാധ്യത. ഒരു ഗ്രാം 22 കാരറ്റ് സ്വര്‍ണത്തിന്റെ വില 7,450 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വില 6140 രൂപയുമാണ്.

അതേസമയം സംസ്ഥാനത്ത് വെള്ളി വിലയില്‍ മാറ്റമില്ല. ഒരു ഗ്രാം ഹാള്‍മാര്‍ക്ക് വെള്ളി വില 99 രൂപയാണ്.