സംസ്ഥാനത്ത് കുത്തനെ കുറഞ്ഞ് സ്വര്‍ണവില

കൊച്ചി| സംസ്ഥാനത്ത് ഇന്ന് സ്വര്‍ണവിലയില്‍ ഇടിവ്. പവന് 1320 രൂപയാണ് ഒറ്റയടിക്ക് കുറഞ്ഞത്. ഇതോടെ ഒരു പവന്‍ സ്വര്‍ണത്തിന്റെ ഇന്നത്തെ വില 57,600 രൂപയായി.

നവംബര്‍ ഒന്ന് മുതല്‍ സ്വര്‍ണവിലയില്‍ ഇടിവ് രേഖപ്പെടുത്തിയിരുന്നു. ഈ മാസം ഇന്നലെ മാത്രമാണ് സ്വര്‍ണവിലയില്‍ വര്‍ധനവ് ഉണ്ടായത്.  ഒരു ഗ്രാം 22 കാരറ്റ് സ്വര്‍ണത്തിന്റെ വില 7200 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വില 5930 രൂപയുമാണ്.

അന്താരാഷ്ട്ര സ്വര്‍ണവില 80 ഡോളറോളം കുറഞ്ഞ് 2660 ഡോളറിലെത്തി. ഇന്ത്യന്‍ രൂപ 84.32 ആണ്. അതേസമയം വെള്ളി വിലയില്‍ ഇന്ന് മാറ്റമില്ല. ഒരു ഗ്രാം വെള്ളിയുടെ വില 99 രൂപയാണ്.