Kerala
കേരളത്തിലെ സര്‍ക്കാര്‍ ജീവനക്കാര്‍ക്ക് രാഷ്ട്രീയ പ്രവര്‍ത്തന സ്വാതന്ത്ര്യം അനുവദിക്കണം: എന്‍ ജി ഒ അസ്സോസിയേഷന്‍
രാഷ്ട്രീയ പ്രവര്‍ത്തന സ്വാതന്ത്ര്യം അനുവദിക്കുന്നതിലൂടെ പൊതുസമൂഹത്തിന് കൂടുതല്‍ ഗുണകരമായി രാഷ്ട്രനിര്‍മാണ പ്രക്രിയയില്‍ സക്രിയമായ ഇടപെടലിന് വഴിതെളിക്കും.
അടൂര്‍ | കേരളത്തിലെ സര്‍ക്കാര്‍ ജീവനക്കാര്‍ക്ക് രാഷ്ട്രീയ പ്രവര്‍ത്തന സ്വാതന്ത്ര്യം അനുവദിക്കണമെന്ന് കേരള എന്‍ ജി ഒ അസ്സോസിയേഷന്‍ സംസ്ഥാന സമ്മേളനം ആവശ്യപ്പെട്ടു. കേന്ദ്ര സര്‍ക്കാര്‍ ജീവനക്കാര്‍ക്ക് ആര്‍ എസ് എസില്‍ പ്രവര്‍ത്തിക്കാന്‍ അനുമതി നല്‍കിയ സാഹചര്യത്തില്‍ കേരളത്തിലെ സര്‍ക്കാര്‍ ജീവനക്കാരെ മാത്രം രാഷ്ട്രീയത്തില്‍ നിന്ന് മാറ്റിനിര്‍ത്തുന്നത് അനുചിതമാണെന്ന് സമ്മേളനം അംഗീകരിച്ച പ്രമേയത്തില്‍ പറയുന്നു.
ഏറ്റവും വിദ്യാസമ്പന്നരായ അനുഭവ സമ്പത്തുള്ള സര്‍ക്കാര്‍ ജീവനക്കാര്‍ക്ക് രാഷ്ട്രീയ പ്രവര്‍ത്തന സ്വാതന്ത്ര്യം അനുവദിക്കുന്നതിലൂടെ പൊതുസമൂഹത്തിന് കൂടുതല്‍ ഗുണകരമായി
രാഷ്ട്രനിര്‍മാണ പ്രക്രിയയില്‍ സക്രിയമായ ഇടപെടലിന് വഴിതെളിക്കുമെന്ന് സംസ്ഥാന പ്രസിഡന്റ് ചവറ ജയകുമാര്‍ ചൂണ്ടിക്കാട്ടി.
ജനാധിപത്യ ഭരണകൂടത്തില്‍ രാഷ്ട്രത്തിന്റെ വികസന പ്രക്രിയയില്‍ പങ്കാളികളാകുവാന്‍ എല്ലാ പൗരന്മാര്‍ക്കുമുള്ള അവകാശം സര്‍ക്കാര്‍ സര്‍വീസില്‍ ജോലി ചെയ്യുന്നു എന്നതുകൊണ്ട് മാത്രം നിഷേധിക്കാന്‍ ആകില്ലെന്നും അസോസിയേഷന്‍ അഭിപ്രായപ്പെട്ടു. കേരളത്തിലെ എയ്ഡഡ് സ്‌കൂള്‍ ജീവനക്കാര്‍ക്ക് രാഷ്ട്രീയ പ്രവര്‍ത്തനം നടത്തുന്നതിനും തിരഞ്ഞെടുപ്പുകളില്‍ മത്സരിക്കുന്നതിനും നല്‍കിയിരിക്കുന്ന അനുമതി സര്‍ക്കാര്‍ ജീവനക്കാര്‍ക്കും നടപ്പിലാക്കണമെന്ന് സമ്മേളനം സര്‍ക്കാരിനോട് ആവശ്യപ്പെട്ടു.
പന്ത്രണ്ടാം ശമ്പള പരിഷ്‌കരണം നടപ്പിലാക്കുക, ഇടക്കാലാശ്വാസം അനുവദിക്കുക, ക്ഷാമബത്ത കുടിശ്ശിക അനുവദിക്കുക, പങ്കാളിത്ത പെന്‍ഷന്‍ പിന്‍വലിക്കുക, ലീവ് സറണ്ടര്‍ പുനഃസ്ഥാപിക്കുക, സ്ത്രീ സൗഹൃദ തൊഴിലിടങ്ങള്‍ കൂടുതലായുണ്ടാകുക തുടങ്ങിയ പ്രമേയങ്ങളും സമ്മേളനം അംഗീകരിച്ചു.
Latest
ആലപ്പുഴ അരൂക്കുറ്റിയില്‍ വാഹനാപകടം; യുവാവ് മരിച്ചു
എ ടി എം കൊള്ള; രണ്ടുപേര്‍ കേരളത്തില്‍ എത്തിയത് വിമാനത്തില്‍
സ്വര്‍ണ കവര്‍ച്ച: അതിഥി സംസ്ഥാന തൊഴിലാളി അറസ്റ്റില്‍
അന്‍വറിനെതിരെ മലപ്പുറത്തും കോഴിക്കോട്ടും സി പി എം പ്രതിഷേധം
സിദ്ധാര്‍ഥന്റെ മരണം: ഡീനിനെയും അസിസ്റ്റന്റ് വാര്‍ഡനെയും തിരിച്ചെടുക്കാനുള്ള നീക്കം മരവിപ്പിച്ച് ഗവര്‍ണര്‍
അര്‍ജുന്‍ മടക്കയാത്രയില്‍; നാടും വീടും കാത്തിരിക്കുന്നു
