Kerala
ഗവര്‍ണര്‍ ആര്‍ലേക്കറുടെ സത്യപ്രതിജ്ഞ ഇന്നു രാവിലെ 10.30 ന്
ചീഫ് ജസ്റ്റിസ് നിതിന്‍ മധുകര്‍ ജാംദാര്‍ സത്യവാചകം ചൊല്ലിക്കൊടുക്കും
തിരുവനന്തപുരം | കേരള ഗവര്‍ണറായി രാജേന്ദ്ര വിശ്വനാഥ് ആര്‍ലേക്കര്‍ ഇന്ന് സത്യപ്രതിജ്ഞ ചെയ്ത് ചുമതലയേല്‍ക്കും. രാജ്ഭവനില്‍ രാവിലെ 10.30ന് നടക്കുന്ന ചടങ്ങില്‍ ചീഫ് ജസ്റ്റിസ് നിതിന്‍ മധുകര്‍ ജാംദാര്‍ സത്യവാചകം ചൊല്ലിക്കൊടുക്കും.
ബുധനാഴ്ച വൈകിട്ട് തിരുവനന്തപുരം എയര്‍പോര്‍ട്ടില്‍ എത്തിയ നിയുക്ത ഗവര്‍ണറെ മുഖ്യമന്ത്രി പിണറായി വിജയനും മന്ത്രിമാരും ചേര്‍ന്ന് സ്വീകരിച്ചു. രാജേന്ദ്ര വിശ്വനാഥ് ആര്‍ലേക്കര്‍ക്കൊപ്പം ഭാര്യ അനഘ ആര്‍ലേക്കറും ഉണ്ടായിരുന്നു. മന്ത്രിമാരായ കെ രാജന്‍, രാമചന്ദ്രന്‍ കടന്നപ്പള്ളി, വി ശിവന്‍കുട്ടി, കെ എന്‍ ബാലഗോപാല്‍, സ്പീക്കര്‍ എ എന്‍ ഷംസീര്‍, മേയര്‍ ആര്യാ രാജേന്ദ്രന്‍, ആന്റണി രാജു എം എല്‍ എ, എംപിമാരായ എ എ റഹീം, ശശി തരൂര്‍, ചീഫ് സെക്രട്ടറി ശാരദ മുരളീധരന്‍, മറ്റ് ഉന്നത ഉദ്യോഗസ്ഥര്‍ എന്നിവര്‍ സന്നിഹിതരായിരുന്നു.
അടുത്ത നിയമസഭാ സമ്മേളനത്തെ ഗവര്‍ണര്‍ അഭിമുഖീകരിക്കും. ഗവര്‍ണറുടെ നയപ്രഖ്യാപന പ്രസംഗത്തിന്റെ കരട് തയ്യാറാക്കുന്നതിന് തീരുമാനിച്ച മന്ത്രിസഭാ ഉപസമിതി അംഗങ്ങളായ കെ എന്‍ ബാലഗോപാല്‍, കെ രാജന്‍, റോഷി അഗസ്റ്റിന്‍, കെ കൃഷ്ണന്‍കുട്ടി, എ കെ ശശീന്ദ്രന്‍ എന്നിവര്‍ പ്രവര്‍ത്തനം തുടങ്ങി. നയപ്രഖ്യാപന പ്രസംഗം തയ്യാറാക്കുന്നതിനായി വിവിധ വകുപ്പുകളില്‍ നിന്ന് വിവരങ്ങള്‍ ശേഖരിക്കുന്നതിനും ഏകോപിപ്പിക്കുന്നതിനുമുള്ള ചുമതല അഡീഷണല്‍ ചീഫ് സെക്രട്ടറി ഡോ. എ ജയതിലകിനാണ്.
Latest
വല്ലപ്പുഴയില്‍ നിന്നും കാണാതായ പെണ്‍കുട്ടിയെ ഗോവയില്‍ കണ്ടെത്തി
നിരോധിത പുകയില ഉല്‍പ്പന്നങ്ങളുടെ വില്‍പ്പന; രണ്ടു പേര്‍ അറസ്റ്റില്‍
ഒറ്റ നമ്പര്‍ ലോട്ടറി തട്ടിപ്പ്; പോലിസ് റെയ്ഡില്‍ 40000 രൂപ പിടികൂടി
സനാതന ധര്‍മ്മം അശ്ലീലമാണെന്ന എം വി ഗോവിന്ദന്റെ പ്രസ്താവന അജ്ഞതകൊണ്ട്: വി ഡി സതീശന്‍
തിരുവനന്തപുരത്ത് പ്ലസ് ടു വിദ്യാര്‍ഥികള്‍ ഏറ്റ്മുട്ടി; വിദ്യാര്‍ഥിക്ക് കുത്തേറ്റു
വല്ലപ്പുഴയില്‍ 15കാരിയെ കാണാതായ സംഭവം; കൂടെ ട്രെയിനില്‍ യാത്ര ചെയ്തുവെന്ന് സംശയിക്കുന്ന യുവാവിന്റെ രേഖാചിത്രം പുറത്തുവിട്ടു
