hajj news
ഹജ്ജ്: മസ്ജിദുന്നമിറയുടെ പരിസരം ഇനി കൂളിംഗ് റോഡ്
25,000 ചതുരശ്ര മീറ്ററിലാണ് ചൂട് കുറയ്ക്കാന്‍ സഹായിക്കുന്ന ആസ്ഫാല്‍റ്റ് പദ്ധതി പൂര്‍ത്തിയാക്കിയത്
അറഫ | വിശുദ്ധ ഹജ്ജ് കര്‍മ്മങ്ങള്‍ക്ക് ദിവസങ്ങള്‍ മാത്രം ബാക്കിനില്‍ക്കെ ഹജ്ജ് വേളയില്‍ ഉണ്ടായേക്കാവുന്ന കനത്ത ചൂടിനെ പ്രതിരോധിക്കാന്‍ ഹജ്ജിന്റെ സുപ്രധാന കര്‍മ്മങ്ങള്‍ക്ക് സാക്ഷ്യം വഹിക്കുന്ന മസ്ജിദുന്നമിറയും മസ്ജിദ് നമിറയുടെ പരിസരം ചൂട് കുറയ്ക്കാന്‍ സഹായിക്കുന്ന ആസ്ഫാല്‍റ്റ് പദ്ധതി പൂര്‍ത്തിയായതായി റോഡ്‌സ് ജനറല്‍ അതോറിറ്റി അറിയിച്ചു.
കനത്ത ചൂടിനെ പ്രതിരോധിക്കാനും ഹജ്ജ് വേളയില്‍ തീര്‍ഥാടകര്‍ക്ക് കൂടുതല്‍ സുഖപ്രദമായ അനുഭവം സൃഷ്ടിക്കുന്നതിന്റെയും ഭാഗമായാണ് വിവിധ ഏജന്‍സികളുടെ പങ്കാളിത്തത്തോടെ നിര്‍മ്മിച്ച വൈറ്റ് കോട്ടിംഗ് (കൂളിംഗ്) പദ്ധതി പൂര്‍ത്തിയാക്കിയതെന്ന് റോഡ്‌സ് ജനറല്‍ അതോറിറ്റി വക്താവ് അബ്ദുല്‍ അസീസ് അല്‍ ഒതൈബി പറഞ്ഞു.
കനത്ത ചൂടില്‍ നിന്ന് ഉപരിതല താപനില ഏകദേശം 20 ഡിഗ്രി സെല്‍ഷ്യസ് വരെ കുറയ്ക്കാന്‍ സഹായിക്കുമെന്നതാണ് ഇതിന്റ പ്രധാന സവിശേഷത. കഴിഞ്ഞ വര്‍ഷം കല്ലേറ് കര്‍മ്മങ്ങള്‍ നിര്‍വഹിക്കുന്ന ജംറയിലേക്കുള്ള കാല്‍നട പാതകളില്‍ റോഡ് കൂളിംഗ് പദ്ധതി നടപ്പിലായത് വിജയകരമായിരുന്നു. ഹജ്ജിന്റെ സുപ്രധാന ദിനമായ അറഫാ ദിനത്തില്‍ ജനലക്ഷങ്ങള്‍ ഒരുമിച്ച് കൂടുന്ന മക്കയിലെ മസ്ജിദുല്‍ ഹറമിന് ശേഷമുള്ള പ്രവിശ്യയിലെ രണ്ടാമത്തെ വലിയ പള്ളിയായ മസ്ജിദുന്നമിറയിലേക്ക് കൂടിയാണ് പദ്ധതി വ്യാപിപ്പിച്ചത്
Latest
ഒരുമയുടെ കഥ പറഞ്ഞ് എസ് വൈ എസ് മാനവസഞ്ചാരം കോട്ടക്കലില്‍
നൂറുല്‍ ഉലമ; വാക്കും വരയും പടവാളാക്കിയ പണ്ഡിതന്‍ :എന്‍ അലി അബ്ദുല്ല
നഴ്‌സിങ് വിദ്യാര്‍ഥിനിയുടെ മരണം; സഹപാഠികളെ കസ്റ്റഡിയില്‍ കിട്ടാന്‍ പോലീസ് കോടതിയില്‍ അപേക്ഷ നല്‍കി
തിരുവനന്തപുരത്തും കോട്ടയത്തുമായി കഞ്ചാവുമായി രണ്ട് പേര്‍ പിടിയില്‍
കര്‍ണാടകയിലും കരുത്തറിയിച്ച് കോണ്‍ഗ്രസ്; ദയനീയ പരാജയവുമായി ബിജെപി
പെര്‍ത്ത് ടെസ്റ്റ്; തകര്‍ത്തടിച്ച് ജയ്‌സ്വാളും രാഹുലും, ഇന്ത്യ ശക്തമായ നിലയില്‍
