ഹലാല്‍ വിവാദം ഉയര്‍ത്തുന്നത് ന്യൂനപക്ഷങ്ങളെ ആക്രമിക്കാന്‍: മുഖ്യമന്ത്രി

കണ്ണൂര്‍ |  ഹലാല്‍ വിവാദം സംഘപരിവാര്‍ അജണ്ടയാണെന്ന് മുഖ്യമന്ത്രി പിണറായി വിജയന്‍. ഇത്തരമൊരു വിവാദം ഉയര്‍ത്തുന്നത് ന്യൂനപക്ഷങ്ങളെ ആക്രമിക്കുകയെന്ന ഉദ്ദേശത്തോടെയാണെന്നും മുഖ്യമന്ത്രി പറഞ്ഞു. വിവാദത്തിലൂടെ ഒരു വിഭാഗത്തെ അടച്ചാക്ഷേപിക്കാനാണ് ശ്രമിക്കുന്നത്.ആധുനിക ജനാധിപത്യത്തിൽ നിന്ന്​ വ്യതിചലിച്ച്​ ഹിന്ദുത്വരാഷ്​ട്രമുണ്ടാക്കാനാണ്​ ശ്രമം

ഹലാല്‍ എന്നാല്‍ കഴിക്കാന്‍ കൊള്ളാവുന്ന ഭക്ഷണം എന്ന അര്‍ഥമെയുള്ളു. പാര്‍ലമെന്റില്‍ വിതരണം ചെയ്യുന്ന ഭക്ഷണത്തിലും ഹലാല്‍ മുദ്രയുണ്ട്. ഹലാല്‍ വിവാദത്തിന്റെ പൊള്ളത്തരം സംഘപരിവാറിന് ബോധ്യപ്പെട്ടിട്ടുണ്ട് -മുഖ്യമന്ത്രി പറഞ്ഞു.

വര്‍ഗീയതയെ വര്‍ഗീയത കൊണ്ട് നേരിടാനാകില്ലെന്നും മുഖ്യമന്ത്രി പറഞ്ഞു. സി പി എം പിണറായി ഏരിയ കമ്മിറ്റി യോഗം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു മുഖ്യമന്ത്രി.