Kerala
പാതിവില തട്ടിപ്പ് കേസ്; മഹിളാ കോണ്‍ഗ്രസ് നേതാവ് ഷീബ സുരേഷിന്റെ വീട്ടില്‍ ഇഡി പരിശോധന നടത്തി
വിദേശത്തായിരുന്ന ഷീബയെ വീട്ടില്‍ വിളിച്ചുവരുത്തിയാണ് ചോദ്യം ചെയ്തത്. ചോദ്യം ചെയ്യലും പരിശോധനയും പത്ത് മണിക്കൂര്‍ നീണ്ടു.
കൊച്ചി| പാതിവില തട്ടിപ്പ് കേസില്‍ എന്‍ ജി ഒ കോണ്‍ഫെഡറേഷന്‍ ബോര്‍ഡ് അംഗവും മഹിളാ കോണ്‍ഗ്രസ് നേതാവുമായ ഷീബ സുരേഷിന്റെ വീട്ടില്‍ എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) പരിശോധന നടത്തി. ഷീബയുടെ ഇടുക്കി കുമളിയിലെ വീട്ടിലാണ് ഇഡി പരിശോധന നടത്തിയത്. വിദേശത്തായിരുന്ന ഷീബയെ വീട്ടില്‍ വിളിച്ചുവരുത്തിയാണ് ഇഡി ചോദ്യം ചെയ്യലും പരിശോധനയും നടത്തിയത്. ഷീബ സുരേഷിന്റെ സാമ്പത്തിക ഇടപാടുകളുടെയും സ്വത്ത് വിവരങ്ങളുടെയും രേഖകള്‍ ഇഡി പരിശോധിച്ചു. പരിശോധന പത്ത് മണിക്കൂര്‍ നീണ്ടു.
തട്ടിപ്പു കേസിലെ മുഖ്യ പ്രതി അനന്തു കൃഷ്ണന്‍, സായിഗ്രാം ഗ്ലോബല്‍ ട്രസ്റ്റ് ചെയര്‍മാന്‍ ആനന്ദകുമാര്‍ എന്നിവരുമായി ഷീബക്ക് അടുത്ത ബന്ധമുണ്ടെന്നും സാമ്പത്തിക ഇടപാടില്‍ നേരിട്ട് പങ്കുണ്ടെന്നുമാണ് ഇഡിയുടെ കണ്ടെത്തല്‍. പണമിടപാടുകളുമായി ബന്ധപ്പെട്ട തെളിവുകള്‍ ഇഡിയിക്ക് ലഭിച്ചതായാണ് വിവരം. തുടര്‍ നടപടികള്‍ക്കായി രേഖകളും ഷീബയുടെ ഫോണും ഇഡി കസ്റ്റഡിയിലെടുത്തു.
ഷീബ സുരേഷിനെതിരെ വണ്ടന്‍മേട് പോലീസില്‍ സീഡ് കോര്‍ഡിനേറ്റര്‍മാര്‍ പരാതി നല്‍കിയിരുന്നു. മൂന്ന് കോടിയോളം രൂപ തട്ടിയെടുത്തെന്നാണ് പരാതി. മുന്‍ കുമളി പഞ്ചായത്ത് പ്രസിഡന്റായിരുന്നു ഷീബ.
Latest
സംസ്ഥാനത്ത് ഉഷ്ണതരംഗ മുന്നറിയിപ്പ് പിന്‍വലിച്ചു; വെള്ളിയാഴ്ച മുതല്‍ വേനല്‍ മഴയെത്തും
കോണ്‍ഗ്രസ്സ് വാര്‍ഡില്‍ എസ് ഡി പി ഐയുടെ വിജയം: ഗൗരവമുള്ള വിഷയമെന്ന് രാഹുല്‍ മാങ്കൂട്ടത്തില്‍
വെഞ്ഞാറമൂട് കൂട്ടക്കൊല: പ്രതിയുടെ മാതാവിന്റെ മൊഴിയെടുത്തേക്കും
പത്ത് വയസ്സുകാരി തൂങ്ങിമരിച്ച നിലയില്‍
മകന്റെ സുഹൃത്തിന്റെ ജ്യേഷ്ഠനെ തട്ടിക്കൊണ്ടുപോയ വീട്ടമ്മ റിമാന്‍ഡില്‍
അഞ്ചുദശലക്ഷം ഡോളര്‍ അടച്ച് യു എസ് പൗരത്വം നേടൂ; ആശങ്കയോടെ ഗ്രീന്‍ കാര്‍ഡ് അപേക്ഷകര്‍
