National
പ്രധാനമന്ത്രി നടത്തിയ വിദ്വേഷ പ്രസംഗം; കോണ്‍ഗ്രസും സി.പി.എമ്മും പരാതി നല്‍കും
മോദിയെ പോലെ പ്രധാനമന്ത്രി പദത്തിന്റെ അന്തസ് ഇടിച്ച മറ്റൊരാള്‍ ചരിത്രത്തിലില്ലെന്ന് ഖാര്‍ഗെ
ന്യൂഡല്‍ഹി|പ്രധാനമന്ത്രി നരേന്ദ്ര മോദി നടത്തിയ വിദ്വേഷപ്രസംഗത്തിനെതിരെ നടപടി ആവശ്യപ്പെട്ട് കോണ്‍ഗ്രസും സി.പി.എമ്മും പരാതി നല്‍കും. ഇരു പാര്‍ട്ടികളും കേന്ദ്ര തിരഞ്ഞെടുപ്പ് കമ്മീഷനെ സമീപിക്കാനാണ് തീരുമാനം. രാജസ്ഥാനിലെ ബന്‍സ്വാരയില്‍ നടന്ന ബി.ജെ.പിയുടെ തിരഞ്ഞെടുപ്പ് പ്രചാരണത്തിനിടെയാണ് നരേന്ദ്രമോദി മുസ്ലിം വിരുദ്ധ വിദ്വേഷ പ്രസംഗം നടത്തിയത്.
കോണ്‍ഗ്രസ് അധികാരത്തിലെത്തിയാല്‍ രാജ്യത്തിന്റെ സ്വത്ത് മുസ്‌ലിംകള്‍ക്ക് വീതിച്ചു നല്‍കും. നുഴഞ്ഞുകയറ്റക്കാര്‍ക്കും കൂടുതല്‍ കുട്ടികള്‍ ഉള്ളവര്‍ക്കും നിങ്ങളുടെ സ്വത്ത് നല്‍കുന്നത് അംഗീകരിക്കാനാകുമോ എന്നുമാണ് വിദ്വേഷ പ്രസംഗം.
വിവാദ പ്രസംഗത്തിന് പിന്നാലെ മോദിക്കെതിരെ കോണ്‍ഗ്രസ് രംഗത്തെത്തി. ഭയം കാരണം പൊതുജനങ്ങളുടെ ശ്രദ്ധ തിരിക്കാന്‍ മോദി ശ്രമിക്കുന്നുവെന്ന് രാഹുല്‍ ഗാന്ധി ആരോപിച്ചു. മോദി പറയുന്നത് നുണയെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ പറഞ്ഞു. മോദിയെ പോലെ പ്രധാനമന്ത്രി പദത്തിന്റെ അന്തസ് ഇടിച്ച മറ്റൊരാള്‍ ചരിത്രത്തിലില്ലെന്നും ഖാര്‍ഗെ കൂട്ടിച്ചേര്‍ത്തു.
Latest
പഹല്‍ഗാം ഭീകരാക്രമണം; ഭീഷണിയുമായി പാക്കിസ്ഥാന്‍
പഹല്‍ഗാം ഭീകരാക്രമണം; സര്‍വകക്ഷിയോഗം ഇന്ന്
യുഎസ് സന്ദർശനം വെട്ടിച്ചുരുക്കി രാഹുൽ മടങ്ങി; ഇന്ന് കോൺഗ്രസ് പ്രവർത്തക സമിതിയിൽ പങ്കെടുക്കും
വിദ്യാര്‍ഥിനി വീട്ടില്‍ ഷോക്കേറ്റ് മരിച്ചു
കള്ളക്കടല്‍ പ്രതിഭാസം; ബീച്ചിലേക്കുള്ള യാത്രകളും കടലില്‍ ഇറങ്ങിയുള്ള വിനോദങ്ങളും പൂര്‍ണമായി ഒഴിവാക്കണമെന്നു മുന്നറിയിപ്പ്
കോഴിക്കൂട് പൊളിച്ചെന്നാരോപിച്ച് മകന്‍ അമ്മയുടെ കയ്യും കാലും കോടാലികൊണ്ട് അടിച്ചൊടിച്ചു
