Kerala
മിഹ്റാസ് മള്‍ട്ടി സ്പെഷ്യാലിറ്റി ആശുപത്രിയില്‍ കിടത്തി ചികിത്സ ആരംഭിച്ചു
ജനറല്‍ ഒ പി സേവനങ്ങള്‍ക്ക് 50 രൂപ മാത്രമാണ് ഈടാക്കുന്നത്
നോളജ് സിറ്റി | മര്‍കസ് നോളജ് സിറ്റിയില്‍ പ്രവര്‍ത്തിക്കുന്ന മിഹ്റാസ് മള്‍ട്ടി സ്പെഷ്യാലിറ്റി ആശുപത്രിയിലെ നവീകരിച്ച ഐ പി ബ്ലോക്കില്‍ കിടത്തി ചികിത്സ ആരംഭിച്ചു. വിവിധ തരത്തിലുള്ള റൂമുകളും വാര്‍ഡുകളുമാണ് കിടത്തി ചികിത്സ ആവശ്യമുള്ളവര്‍ക്കായി സജ്ജീകരിച്ചത്. ഡയബറ്റോളജി, ജെറിയാട്രിക്, ഓര്‍ത്തോ പെയിന്‍ ആന്‍ഡ് ന്യൂറോ, യൂറോളജി, ഗൈനക്കോളജി, ഗ്യാസ്ട്രോ സര്‍ജറി എന്നീ സ്പെഷ്യാലിറ്റി വിഭാഗങ്ങളാണ് പുതുതായി ആരംഭിച്ചത്.
മെഡിക്കല്‍ ഓഫീസര്‍മാരായി ഡോ. മുഹമ്മദ് ശഹന്‍ഷ, ഡോ. ഷഹനാര ടി എന്നിവരും ഡയബറ്റോളജിയില്‍ ഡോ. മുഹമ്മദ് റാസിഫ്, ഗൈനക്കോളജിയില്‍ ഡോ. പവ്നസ്സ് അബ്ദുര്‍റഹ്മാന്‍, യൂറോളജിയില്‍ ഡോ. വിനീത് അടിയോടി, ഓര്‍ത്തോ വിഭാഗത്തില്‍ ഡോ. മുംതശര്‍ അഹ്മദ്, ഡോ. റംശീല, പെയിന്‍ ആന്‍ഡ് പാലിയേറ്റീവില്‍ (പിഎംആര്‍) ഡോ. മുനീര്‍ ചാലില്‍, ഗ്യാസ്ട്രോ സര്‍ജറിയില്‍ ഡോ. രാമലിംഗം, മെഡിക്കല്‍ ഗ്യാസ്ട്രോളജിയില്‍ ഡോ. മനോജ് എം ജി എന്നിവരാണ് പുതുതായി ചുമതലയേറ്റിരിക്കുന്നത്.
പ്രിവിലേജ് കാര്‍ഡുകളുമായി വരുന്ന രോഗികള്‍ക്ക് പ്രത്യേക ആനുകൂല്യങ്ങള്‍ ഒരുക്കിയിട്ടുണ്ട്. കൂടാതെ, ജനറല്‍ ഒ പി സേവനങ്ങള്‍ക്ക് 50 രൂപ മാത്രമാണ് ഈടാക്കുന്നത്.
ഐ പി ബ്ലോക്കിന്റെ ഉദ്ഘാടനം കാന്തപുരം എ പി അബൂബക്കര്‍ മുസ്്ലിയാര്‍ നിര്‍വഹിച്ചു. സയ്യിദ് ഇബ്റാഹീം ഖലീല്‍ ബുഖാരി മുഖ്യാതിഥിയായി. ഡോ. മുഹമ്മദ് അബ്ദുല്‍ ഹകീം അസ്ഹരി, ഡോ. അബ്ദുസ്സലാം മുഹമ്മദ്, ഡോ. നിസാം റഹ്മാന്‍, അഡ്വ. തന്‍വീര്‍ ഉമര്‍ തുടങ്ങിയവര്‍ സംബന്ധിച്ചു.
Latest
വിനായകനെതിരെ ഹൈദരാബാദ് പോലീസ് കേസെടുത്തു
രാജ്യത്ത് ആദ്യമായി മിഷന്‍ സ്‌ട്രോക്ക് നടപ്പിലാക്കി കേരളം
വി ഡി സതീശന്റേത് ഉണ്ടയില്ലാ വെടി;മുഖ്യമന്ത്രിയുടെ ഓഫിസിന് എതിരേയുള്ള ആരോപണങ്ങള്‍ ഇല്ലാതാക്കാന്‍ ശ്രമം: കെ സുരേന്ദ്രന്‍
പൂരം കലക്കാന്‍ ആര്‍എസ്എസുമായി പ്രതിപക്ഷ നേതാവ് ഗൂഢാലോചന നടത്തി; ഉന്നത പോലീസ് ഉദ്യോഗസ്ഥരില്‍ പലരും കാമഭ്രാന്തന്‍മാര്‍: പി വി അന്‍വര്‍ എംഎല്‍എ
വിവാദങ്ങള്‍ക്ക് പിറകെ എഡിജിപി അജിത്കുമാര്‍ അവധിയിലേക്ക്
സി പി എം ജില്ലാ സെക്രട്ടറിയേറ്റ് യോഗത്തിനിടയിലെ കൈയ്യാങ്കളി; മുതിര്‍ന്ന നേതാക്കള്‍ക്കെതിരെ നടപടി
