ഹോട്ടൽ ജീവനക്കാർക്ക് ഹെൽത്ത് കാർഡ് നാളെ മുതൽ നിർബന്ധം: ഇല്ലാത്ത കടകൾ പൂട്ടാൻ അധികൃതർ

തിരുവനന്തപുരം |  ഭ​ക്ഷ്യ​സു​ര​ക്ഷാ മു​ന്ന​റി​യി​പ്പോ​ടു​​ കൂ​ടി​യ സ്ലി​പ്പോ സ്റ്റി​ക്ക​റോ  ഭ​ക്ഷ​ണ​ പാ​ർ​സ​ലു​ക​ളിൽ നാളെ ​മു​ത​ൽ  സം​സ്ഥാ​ന​ത്ത് നി​ര്‍ബ​ന്ധം. ഇവയില്ലാത്ത പാർസലുകൾ നി​രോ​ധി​ച്ച് ഭ​ക്ഷ്യ​സു​ര​ക്ഷാ​ വ​കു​പ്പ് നേ​രത്തേ ഉ​ത്ത​ര​വി​റ​ക്കി​യി​രു​ന്നു. ഇതിനിടെ, നിയമം നടപ്പാക്കുന്നതിൽ കാലതാമസം ആവശ്യപ്പെട്ട് വ്യാപാരികൾ.

സംസ്ഥാനത്തിൻ്റെ പലഭാഗത്തും ഭക്ഷ്യവിഷബാധ തുടർച്ചയായി റിപോർട്ട് ചെയ്യുന്ന സാഹചര്യത്തിലാണ് ഹെൽത്ത് കാർഡ് നിർബന്ധമാക്കാൻ സർക്കാർ തീരുമാനിച്ചത്. സംസ്ഥാനത്ത് ആറ് ലക്ഷത്തോളം ഭക്ഷ്യോത്പന്ന വിതരണ, വിൽപന കേന്ദ്രങ്ങൾ ഉണ്ടെങ്കിലും ഹോട്ടൽ, ബേക്കറി വിഭാഗത്തിൽ ഒന്നര ലക്ഷത്തിലേറെ സ്ഥാപനങ്ങളാണുള്ളത്. ഇവിടെ അഞ്ച് ലക്ഷത്തോളം ജീവനക്കാർ ഉണ്ടെന്നാണ് ഭക്ഷ്യസുരക്ഷാ കമ്മിഷണറേറ്റിൻ്റെ കണക്ക്.

മൂന്നര ലക്ഷത്തോളം പേർക്ക് നിലവിൽ ഹെൽത്ത് കാർഡുണ്ട്. ശേഷിക്കുന്ന ഒന്നര ലക്ഷത്തിൽ ഭൂരിഭാഗവും ഇതിനകം കാർഡ് നേടിയെന്നാണ് നിഗമനം. കാർഡിന് ഒരു വർഷമാണ് കാലാവധി. ഭ​ക്ഷ്യ സു​ര​ക്ഷാ ഉ​ദ്യോ​ഗ​സ്ഥ​ര്‍ക്ക് പു​റ​മേ ആ​രോ​ഗ്യ​വ​കു​പ്പി​ലെ ഹെ​ല്‍ത്ത് ഇ​ന്‍സ്‌​പെ​ക്ട​ര്‍മാ​രും ശു​ചി​ത്വ​വും ഹെ​ല്‍ത്ത് കാ​ര്‍ഡും പ​രി​ശോ​ധി​ക്കും. വ്യാ​ജ സ​ര്‍ട്ടി​ഫി​ക്ക​റ്റ് ന​ല്‍കു​ന്ന​വ​ര്‍ക്കെ​തിരെ​യും കൈ​വ​ശം വെ​ക്കു​ന്ന​വ​ര്‍ക്കെ​തി​രെ​​യും ന​ട​പ​ടി സ്വീ​ക​രി​ക്കുമെന്നാണ് അധികൃതർ അറയിച്ചത്.

അതിനിടെ, നിയമ നാളെ മുതൽ നടപ്പാക്കാൻ കഴിയില്ലെന്നും സാവകാശം നൽകണമെന്നും ആവശ്യപ്പെട്ട് വ്യാപാരികൾ രംഗത്തെത്തിയിട്ടുണ്ട്. മാർച്ച് 31 വരെ സമയം നൽകണമെന്നാവശ്യപ്പെട്ട് വ്യാപാരി വ്യവസായി ഏകോപന സമിതിയും ഹോട്ടൽ ആൻഡ് റെസ്റ്ററൻ്റ് അസോസിയേഷനും ആരോഗ്യ മന്ത്രി വീണ ജോർജിന് കത്തയച്ചിട്ടുണ്ട്. പ്രശ്ന പരിഹാരത്തിനായി വ്യാപാരികളുമായി ഭക്ഷ്യ സുരക്ഷാ കമ്മിഷണർ ചർച്ച നടത്തുന്നുണ്ട്. ഇതിനു ശേഷമാകും അന്തിമ തീരുമാനം ഉണ്ടാവുക.