ആശവര്‍ക്കര്‍മാരുമായി ഇന്നും ആരോഗ്യമന്ത്രി ചര്‍ച്ച നടത്തിയേക്കും

തിരുവനന്തപുരം |  സമരം തുടരുന്ന ആശാവര്‍ക്കേഴ്സുമായി ആരോഗ്യ മന്ത്രി വീണ ജോര്‍ജ് ഇന്നും ചര്‍ച്ച നടത്തിയേക്കും. ചര്‍ച്ച്ക്ക് സമയം നല്‍കിയാല്‍ എത്താം എന്ന് സമരക്കാര്‍ വ്യക്തമാക്കിയിട്ടുണ്ട്. ഇന്നലെ നടന്ന ചര്‍ച്ച തീരുമാനമാകാതെ പിരിഞ്ഞിരുന്നു. അതോടെയാണ് വീണ്ടും ചര്‍ച്ചക്ക് സാധ്യത തെളിയുന്നത്.

ചര്‍ച്ച ഉണ്ടായില്ലെങ്കില്‍ ആശാവര്‍ക്കേഴ്‌സിന്റെ പ്രശ്‌നം പരിഹരിക്കാനുള്ള സമിതിയെ നിയോഗിക്കുന്നത് ഉള്‍പ്പെടെയുള്ള നടപടികളിലേക്ക് ആരോഗ്യവകുപ്പ് നേരിട്ട് കടന്നേക്കും. എന്നാല്‍ ഓണറേറിയം വര്‍ധന ഇല്ലാതെ സമിതിയെ നിയോഗിക്കുന്നതിനെതിരെ ശക്തമായ പ്രതിഷേധമാണ് സമരക്കാര്‍ ഉയര്‍ത്തുന്നത്.ഇന്ന് രാപ്പകല്‍ സമരം 54 ആം ദിവസവും നിരാഹാര സമരം പതിനാറാം ദിവസവും ആണ്. ഓണറേറിയം വര്‍ധന, വിരമിക്കല്‍ ആനുകൂല്യം നല്‍കുക എന്നീ ആവശ്യങ്ങള്‍ ഉന്നയിച്ചാണ് സമരം