സംസ്ഥാനത്ത് ചൂട് കുറയില്ല ; 12 ജില്ലകളില്‍ യെല്ലോ അലര്‍ട്ട്

തിരുവനന്തപുരം | സംസ്ഥാനത്ത് ഉയര്‍ന്ന താപനില തുടരുന്നു. 12 ജില്ലകളില്‍ ഇന്നും യെല്ലോ അലര്‍ട്ട് പ്രഖ്യാപിച്ചു. ഇടുക്കി, വയനാട് ഒഴികെയുള്ള 12 ജില്ലകളിലാണ് ഇന്നും യെല്ലോ അലര്‍ട്ട് പ്രഖ്യാപിച്ചത്.

കൊല്ലം, പാലക്കാട്, ആലപ്പുഴ, പത്തനംതിട്ട, കോട്ടയം, തൃശൂര്‍, കോഴിക്കോട്, കണ്ണൂര്‍, തിരുവനന്തപുരം, എറണാകുളം, മലപ്പുറം, കാസര്‍ക്കോട് ജില്ലകളില്‍ ഉയര്‍ന്ന താപനില മാറ്റമില്ലാതെ തുടരും.
ഇതിനൊപ്പം ആശ്വാസമായി എട്ട് ജില്ലകളില്‍ വേനല്‍ മഴ ഉണ്ടാകുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. നേരിയ തോതിലുള്ള മഴയാണ് പ്രവചിക്കുന്നത്.