Kerala
കനത്ത മഴ: വയനാട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി
മുന്കൂട്ടി നിശ്ചയിച്ച പരീക്ഷകള്ക്കും പി എസ് സി പരീക്ഷകള്ക്കും അവധി ബാധകമല്ല
![](https://assets.sirajlive.com/2022/08/rain-heavy-957x538.jpg)
കല്പ്പറ്റ| അതിതീവ്ര മഴയെതുടര്ന്ന് ഇന്നും വയനാട് ജില്ലയിലെ സ്കൂളുകള്ക്ക് അവധി. ജില്ലയിലെ പ്രൊഫഷണല് കോളജുകള്, അംഗന്വാടികള്, ട്യൂഷന് സെന്ററുകള് ഉള്പ്പടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കുമെന്ന് ജില്ലാ കലക്ടര് അറിയിച്ചു.
മുന്കൂട്ടി നിശ്ചയിച്ച പരീക്ഷകള്ക്കും പിഎസ് സി പരീക്ഷകള്ക്കും അവധി ബാധകമല്ല. മോഡല് റസിഡന്ഷ്യല്, നവോദയ സ്കൂളുകള്ക്കും അവധി ബാധകമല്ലെന്ന് കലക്ടര് അറിയിച്ചു.
സംസ്ഥാനത്ത് ഞായറാഴ്ച വരെ കനത്ത മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് കോഴിക്കോട്, വയനാട് , കണ്ണൂര്, കാസര്കോട് ജില്ലകളിലും ഞായറാഴ്ച കണ്ണൂര്, കാസര്കോട് ജില്ലകളിലും മഞ്ഞ അലര്ട്ട് പ്രഖ്യാപിച്ചു. കേരള – കര്ണാടക- ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.