rain precast
ഇന്നും ശക്തമായ മഴ; ആറ് ജില്ലകളില് യെല്ലോ അലര്ട്ട്
മഴയ്ക്കൊപ്പം ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് മലയോര, തീരദേശ മേഖലകളില് ഉള്ളവര് ജാഗ്രത പാലിക്കണം.
തിരുവനന്തപുരം | കോട്ടയം, ഇടുക്കി, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു. സംസ്ഥാനത്ത് ഇന്നും ശക്തമായ മഴ തുടരുമെന്നാണ് കേന്ദ്ര കാലാവസ്ഥാ വകുപ്പ് നല്കുന്ന മുന്നറിയിപ്പ്. മഴയ്ക്കൊപ്പം ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് മലയോര, തീരദേശ മേഖലകളില് ഉള്ളവര് ജാഗ്രത പാലിക്കണം.
കേരള തീരത്ത് നാളെ രാത്രി 11. 30 വരെ കള്ളക്കടല് പ്രതിഭാസത്തിനും ഉയര്ന്ന തിരമാലയ്ക്കും സാധ്യതയുള്ളതിനാല് മത്സ്യത്തൊഴിലാളികള് ജാഗ്രത പാലിക്കണമെന്ന് ദേശീയ സമുദ്ര സ്ഥിതി പഠനക ഗവേഷണ കേന്ദ്രം അറിയിച്ചു. കേരള തീരം മുതല് തെക്കന് ഗുജറാത്ത് തീരം വരെ ന്യൂനമര്ദ്ദ പാത്തി സ്ഥിതിചെയ്യുന്നു.
വടക്ക് പടിഞാറന് ജാര്ഖണ്ഡിന് മുകളിലായി തീവ്ര ന്യൂനമര്ദ്ദവും തെക്ക് പടിഞ്ഞാറന് രാജസ്ഥാന് മുകളിലായി മറ്റൊരു ന്യൂനമര്ദ്ദവും സ്ഥിതി ചെയ്യുന്നുണ്ട്. ഇതിന്റെ സ്വാധീന ഫലമാണ് നിലവില് പെയ്യുന്ന മഴ.