Kerala
സംസ്ഥാനത്ത് ഇന്നും അതിശക്തമായ മഴ തുടരും; അഞ്ച് ജില്ലകളില് ഓറഞ്ച് അലര്ട്ട്
ശക്തമായ മഴയെ തുടര്ന്ന് എട്ട് ജില്ലകളിലെ ഇന്ന് വിദ്യാഭ്യാസ സ്ഥാപനങ്ങള്ക്ക് അവധിയാണ്.
![](https://assets.sirajlive.com/2024/06/heavyrainholiday-924x538.jpg)
തിരുവനന്തപുരം| സംസ്ഥാനത്ത് ഇന്നും അതിശക്തമായ മഴ തുടരുമെന്ന് മുന്നറിയിപ്പ് നല്കി കേന്ദ്ര കാലാവസ്ഥാ വകുപ്പ്. മലപ്പുറം, കോഴിക്കോട്, കണ്ണൂര്, കാസര്കോട്, വയനാട് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം കൊല്ലം ഒഴികെയുള്ള ജില്ലകളില് മഞ്ഞ അലര്ട്ടാണ് പ്രഖ്യാപിച്ചത്.
ഒഡിഷ തീരത്തിന് സമീപം ബംഗാള് ഉള്ക്കടലില് ന്യൂനമര്ദം രൂപപ്പെട്ടു. നിലവിലെ ന്യൂനമര്ദം ദുര്ബലമായ ശേഷം പടിഞ്ഞാറന് ബംഗാള് ഉള്ക്കടലില് വീണ്ടും ന്യൂനമര്ദം രൂപപ്പെടാന് സാധ്യതയുണ്ടെന്നും കാലാവസ്ഥാ വകുപ്പ് മുന്നറിയിപ്പ് നല്കി.
ശക്തമായ മഴയെ തുടര്ന്ന് എട്ട് ജില്ലകളിലെ ഇന്ന് വിദ്യാഭ്യാസ സ്ഥാപനങ്ങള്ക്ക് അവധിയാണ്. കോഴിക്കോട്, വയനാട്, പാലക്കാട്, ഇടുക്കി, ആലപ്പുഴ, തൃശൂര്, കണ്ണൂര്, കോട്ടയം ജില്ലകളിലാണ് അവധി പ്രഖ്യാപിച്ചത്.