ദുബൈ രാജ്യാന്തര വിമാനത്താവളത്തില്‍ കനത്ത തിരക്ക്

ദുബൈ | വേനലവധി ആഘോഷിക്കാന്‍ വിവിധ രാജ്യങ്ങളില്‍ പോയവര്‍ യു എ ഇയില്‍ തിരിച്ചെത്തിത്തുടങ്ങി. ഇതേ തുടര്‍ന്ന്  സെപ്തംബര്‍ രണ്ട് വരെ കനത്ത തിരക്കുണ്ടാവുമെന്ന് അധികൃതര്‍ ചൂണ്ടിക്കാട്ടി.ലോകത്ത് തിരക്കേറിയ വിമാനത്താവളങ്ങളിലൊന്നായ ദുബൈയില്‍ ആഗമന ടെര്‍മിനലുകളില്‍ യാത്രക്കാരെ സ്വീകരിക്കാന്‍ ഒരുക്കം പൂര്‍ത്തിയായി.

ഏതാണ്ട് 34.3 ലക്ഷം യാത്രക്കാര്‍ എത്തുമെന്നാണ് കണക്ക്. പ്രതിദിനം ശരാശരി 264,000 യാത്രക്കാരുണ്ടാകും. ആഗസ്റ്റ് 31നും സെപ്തംബര്‍ ഒന്നിനും ഇടയിലുള്ള കാലയളവില്‍ കനത്ത ട്രാഫിക്കാണ് പ്രതീക്ഷിക്കുന്നത്.

ഈ രണ്ട് ദിവസങ്ങളില്‍ വിമാനത്താവളം ലക്ഷക്കണക്കിന് യാത്രക്കാരെ പ്രതീക്ഷിക്കുന്നു. 291,000 യാത്രക്കാരുള്ള സെപ്തംബര്‍ ഒന്ന് ഏറ്റവും തിരക്കേറിയ ദിവസമായിരിക്കും.