ശരീര വേദനയ്ക്ക് ചില നുറുങ്ങുകൾ ഇതാ...

പരുക്ക്,സമ്മർദ്ദം, അല്ലെങ്കിൽ ക്ഷീണം എന്നിവയുടെ ഫലമായി മിക്ക ആളുകൾക്കും ശരീരവേദന അനുഭവപ്പെടാം. പെയിൻ കില്ലറുകൾ കഴിക്കുന്നതിനു പകരം സ്വാഭാവികമായി വേദന ഒഴിവാക്കാൻ ഈ വഴികൾ പരീക്ഷിക്കാവുന്നതാണ്.

വാം കംപ്രസ്

• വേദനയുള്ള സ്ഥലങ്ങളിൽ ചൂട് പ്രയോഗിക്കുന്നത് പേശികളെ അയക്കാനും രക്തച്ചംക്രമണം മെച്ചപ്പെടുത്താനും സഹായിക്കുന്നു.

കോൾഡ് തെറാപ്പി

• വേദനയുള്ള ഭാഗങ്ങളിൽ ഐസ് പാക്കുകൾ വയ്ക്കുമ്പോൾ വീക്കവും മരവിപ്പും കുറയുകയും വേദന കുറയുകയും ചെയ്യുന്നു.

മസാജ് തെറാപ്പി

• മൃദുവായ മസാജുകൾ പേശികളുടെ പിരിമുറുക്കവും സമ്മർദ്ദവും കുറയ്ക്കാൻ സഹായിക്കും.ഇത് വേദനയും കുറയ്ക്കും.

മഞ്ഞൾ പാൽ

• മഞ്ഞളിൽ വേദന കുറയ്ക്കുന്ന ആന്റി ഇൻഫ്ളമേറ്ററി ഗുണങ്ങൾ ഉണ്ട്. അതുകൊണ്ടുതന്നെ സ്ഥിരമായി മഞ്ഞൾ പാൽ കുടിച്ചാലും വേദന കുറവുണ്ടാകും.

ഇഞ്ചി ചായ

• പേശി വേദനയും സന്ധിവേദനയും ചെറുക്കാൻ ഇഞ്ചി ചായ സഹായിക്കുന്നുണ്ട്.

ചെറിയ വേദനകൾക്കെല്ലാം ഇവ നുറുങ്ങുകൾ ആയി പരീക്ഷിക്കാവുന്നതാണ്.എന്നാൽ വേദന സ്ഥിരമായി തുടരുകയാണെങ്കിൽ ഡോക്ടറെ കാണേണ്ടത് അത്യാവശ്യമാണ്.